सुवेदीलाई हटाएर राधा बनिन पूँजी बजार संघको नेतृत्व लिने पहिलो महिला अध्यक्ष

इन्स्योरेन्स खबर/काठमाडौँ: नेपाल पूँजीबजार लगानीकर्ता संघको अध्यक्ष पदबाट नवराज सुवेदीको नाम हटाई राधा पोखरेलको नाममा दर्ता गरिएको छ । सुवेदी लामो समयदेखि संघको नाममा गतिविधि गर्दै आएका थिए तर अब सुबेदीलाई साधारण सदस्य समेत नरहने गरी बर्खास्त गरी पोख्रेललाई अध्यक्ष बनाएर नयाँ संघ दर्ता गरिएको हो ।

यस अघि सघंको उपाध्यक्ष रहेकी राधा पूँजी बजार संघको नेतृत्व लिने पहिलो महिला समेत बनेकी छिन् । यसै गरि बैठकले उपाध्यक्षमा राजु पौडेल, महासचिवमा एसपी चौलागाईं, सचिवमा एनबी थापा र कोषाध्यक्षमा कल्पना शर्मालाई नियुक्त गरेको छ । यसैगरी सदस्यहरुमा भने आविस्कार घिमिरे र वाईपी दाहाललाई चयन गरिएको संघले प्रेश विज्ञप्ती मार्फत जानकारी दिएको  छ ।

चार वर्षको लागि अध्यक्ष हुनु भएकी राधा पोखरेलले फेसबुक मार्फत सबैलाई धन्यवाद दिदै लगानिकर्ताको हितको लागि अगाडि बड्ने बताउनु भयो।

(फोटो सामाजिक संजालबाट)

प्रतिक्रिया दिनुहोस्

सम्बन्धित समाचार