एक अर्ब बीमा प्रिमियम संकलन गर्न सफल भयो आइएमई

इन्स्योरेन्स खबर/काठमाडौं: निर्जीबन बीमा व्यवसाय गर्दै आएको आइएमई जनरल इन्स्योरेन्सले आर्थिक वर्ष २०७४।०७५ मा कूल बीमा शुल्क १ अर्ब ९२ लाख रुपैयाँ आर्जन गरेको छ । २०७५ अषाढ मसान्तसम्ममा कम्पनीको शाखा सञ्जाल ४२, कर्मचारी संख्या २३५ रहेको छ । आगामी बर्षहरुमा नेपालको एक उत्कृष्ठ निर्जीवन बीमा कम्पनीको रुपमा आइएमई जनरललाई स्थापित गर्ने उद्देश्यका साथ कार्य गर्ने प्रमुख कार्यकारी अधिकृत युगेशभक्त बादे श्रेष्ठले जानकारी दिएका छन् ।

कम्पनीका प्रमुख कार्यकारी अधिकृत श्रेष्ठले गत आवमा सो मात्राको बीमा प्रिमियम संकलन सफल भएकोमा खुशी व्यक्त गर्दै उच्च व्यवस्थापन तथा कर्मचारीहरुलाई नयाँ आवको शुभकामना दिएका छन् ।

साथै, श्रेष्ठले आउने दिनहरुमा सबै ग्राहकहरुसंग अझै गहिरो व्यावसायिक सम्बन्ध स्थापना गर्दै गुणस्तरीय सेवा प्रदान गर्ने प्रतिवद्धता व्यक्त गरेका छन् ।

५४ करोड रुपैंया चुक्ता पूँजी रहेको इन्स्योरेन्सको  ८० प्रतशित हकप्रद शेयरको निष्काशन पश्चात चुक्ता पूँजी ९७ करोड २0 लाख रुपैंया पुग्नेछ । बीमा समितिले तोकेको निर्जीवन बीमा कम्पनीको एक अर्ब चुक्ता पूँजी पुर्याउन इन्स्योरेन्सले २ करोड ८० लाख रुपैंया बराबरको बोनस बितरण गर्नु पर्ने हुन्छ।

यस अघि एनबी इन्स्योरेन्स रहेको कम्पनीले पहिलो पटक ८० प्रतिशत हकप्रद निष्काशन गरेर त्यस पछि शतप्रतिशत हकप्रद निष्काशन गरिसकेको छ । अब फेरि इन्स्योरेन्सले तेस्रो पटक हकप्रद बिक्री गर्न लागेको छ ।

प्रतिक्रिया दिनुहोस्

सम्बन्धित समाचार