छ वटा वित्तिय संस्थाको आस्वा सदस्यता रद्ध

इन्स्योरेन्स खबर/काठमाडौं:  नेपाल धितोपत्र बोर्डका अनुसार गत आर्थिक बर्ष २०७४/७५ को अन्त्यसम्ममा ५६  वटा सदस्यले मात्रै अनुमती नविकरण गरेको बताएको छ । अनुमति नविरकण गरेका सदस्य मार्फतबाट मात्रै सेयर खरिदको लागी दरखास्त दिन सकिने बोर्डले बताएको छ ।

बोर्डका अनुसार छ वटा आस्वा सदस्यले लाईसेन्स नविरकण गराएका छैनन् । जस मध्ये  माछापुच्छे बैंक, पोखरा फाईनान्स, कामना सेवा विकास बैंक, शाईन रेसुगां विकास बैंक, मिशन डेभलमपेण्ट बैंक र श्री इन्भेष्टमेण्ट एण्ड फाईनान्सले लाईसेन्स नविकरण गराएका छैनन् । तर, सगरमाथा फाईनान्स सेञ्चुरी बैकसँग बिलय भै सकेको छ भने कामना विकास बैंक सेवा विकास बैंकसँग गाभिएर कामना सेवा विकास बैंक भएको छ । त्यस्तै, टुरिजम विकास बैंक मेगा बैंकसँग गाभिएको छ ।

कुल आठ वटा संस्था नविरकण गराएको थिएनन् । नविकरण नगराएका संस्था सगरमाथा फाईनान्स सेञ्चुरी  बैंकसँग विलय भएको छ भने टुरिजम विकास बैंक मेगा बैंकसँग मर्ज भैसकेको छ ।

प्रत्येक आस्वा सदस्यले जेठ महिना भित्रमा आफनो लाईसेन्स नविकरण गराई सक्नुपर्नेछ । यद्यपी बोर्डले दिएको थप अवधि असारमसान्तसम्म पनि लाईसेन्स नविरकण नगरेपछि बोर्डले लाईसेन्स रद्ध गरेको छ । उक्त संस्थाले आस्वा सदस्यता लिन चाहेमा पुन: निवेदन दिनु पर्ने बोर्डका सह प्रवक्ता निरन्जय घिमिरले बताए ।

आस्वा सदस्य लाईसेन्सको निवेदनका लागी दिन ५ हजार रुपैयाँ शुल्क लाग्छ भने लाईसेन्सको २५ हजार रुपैयाँ शुल्क छ । त्यसैगरी लाईसेन्स नविकरण गर्दा पनि २५ हजार रुपैयाँ भुक्तानी गर्नुपर्छ ।

प्रतिक्रिया दिनुहोस्

सम्बन्धित समाचार