नागरिक कम्यूनिटी टिचिङ हस्पिटल र सानिमा लाईफ इन्स्योरेन्सबीच क्यासलेस सम्झौता

Citizen Life Insurance Co

इन्स्योरेन्स खबर/काठमाडौँ: नागरिक कम्यूनिटी टिचिङ हस्पिटल र सानिमा लाईफ इन्स्योरेन्सबीच नगद रहिद स्वास्थ्योपचार गर्ने (क्यासलेस) सम्झौता भएको छ । उक्त सम्झौता पश्चात सानिमा लाईफ इन्स्योरेन्सका ग्राहक तथा कर्मचारीको सरल सुलभ उपचारका लागि भक्तपुर गठ्ठाघरस्थित भक्तपुर जिल्लाको नागरिक कम्युनिटी टिचिङ हस्पिटल लिमिटेडसँग सम्झौता भएको हो ।
जीवन बीमाका लागि ग्राहकहरुको पूर्व स्वास्थ्य परिक्षण अब नागरिक कम्यूनिटी टिचिङ हस्पिटलले गर्ने भएको छ भने त्यसको सम्पुर्ण व्यवस्थापन सानिमा लाईफ इन्स्योरेन्स कम्पनीले गर्ने छ । नागरिक कम्युनिटी टिचिङ हस्पिटल लिमिटेड गठ्ठाघरमा गरिएको सम्झौतामा अस्पतालका तर्फबाट प्रवन्ध सञ्चालक नगेन्द्र झा र सानिमा लाईफ इन्स्योरेन्सका तर्फबाट नायव महाप्रबन्धक केशव राज केसीले हस्ताक्षर गरे । उक्त अवसरमा कम्पनीका बरिष्ठ प्रबन्धक गुण राज श्रेष्ठ र प्रबन्धक उषा खतिवडासमेतको उपस्थिति थियो ।

सम्झौता अनुसार उपचार खर्च, औषधि र डाक्टरसँगको परामर्शमा अस्पतालले १५ प्रतिशत सम्मको सहुलियत प्रदान गर्ने भएको छ । सानिमा लाइफ इन्स्योरेन्सका जीवन वीमाका ग्राहकहरु र कर्मचारीलाई उक्त सुविधा प्रदान गर्र्ने सम्झौता भएको हो ।

प्रतिक्रिया दिनुहोस्

सम्बन्धित समाचार