नेपाल मेडिसिटि अस्पताल र सानिमा लाईफ इन्स्योरेन्सबीच सम्झौता

Citizen Life Insurance Co

इन्स्योरेन्स खबर/काठमाडौँ: सानिमा लाईफ इन्स्योरेन्सका ग्राहकहरू तथा कर्मचारीको सर्वसुलभ उपचारका लागि सानिमा लाईफ इन्स्योरेन्सले नेपाल मेडिसिटि अस्पतालसँग सम्झौता गरेको छ  । सम्झौतासँगै अब जीवन वीमाका लागि ग्राहकको पूर्व स्वास्थ्य परीक्षण अब मेडिसिटी अस्पतालले गर्ने भएको छ भने त्यसको सम्पूर्ण व्यवस्थापन बीमा  कम्पनीले गर्ने छ ।
सो सम्झौता पत्रमा सानिमा लाइफ इन्स्योरेन्सका तर्फबाट महाप्रबन्धक केशव राज केसी र अस्पतालका तर्फबाट महाप्रबन्धक विजय रिमालले हस्ताक्षर गरेका छन् । उक्त सम्झौता अनुसार उपचार खर्च, औषधि र डाक्टरसँगको परामर्शमा अस्पतालले १० प्रतिशत सम्मको सहुलियत प्रदान गर्ने भएको छ ।

नेपाल मेडिसिटीका महाप्रबन्धक विजय रिमालले सानिमा लाईफ इन्स्योरेन्सको माध्यमबाट क्यासलेस स्वास्थ्य परीक्षण गराउन पाएकोमा खुशी व्यक्त गरे । आफ्ना ग्राहकहरू र कर्मचारीहरूको स्वास्थ्यको लागि विभिन्न योजनाहरू ल्याउनु साथै अस्पतालसँग निरन्तर काम गर्ने अपेक्षा रहेको कम्पनीका नायव महाप्रबन्धक केशव राज के.सी ले बताए ।

हाल कम्पनीको अधिकृत पुँजी ३ अर्ब, जारी पुँजी २ अर्ब र चुक्ता पुँजी एक अर्ब ४० करोड रुपैयाँ रहेको छ । जारी पुँजीको ३० प्रतिशत अर्थात् ६० करोड रुपैयाँ निकट भविष्यमा सर्वसाधारणमा सेयर बिक्री गरी चुक्ता पुँजी २ अर्ब रुपैयाँ पुर्‍याउने कम्पनी लक्ष्य रहेको  छ ।

 

प्रतिक्रिया दिनुहोस्

सम्बन्धित समाचार