इन्स्योरेन्स खबर/काठमाडौँ: नेको इन्सुरेन्सको २ लाख कित्ता संस्थापक सेयर लिलामी बोलपत्र पेस गर्ने सोमबार (असार ११ गते) अन्तिम दिन हो । असार ५ गतेदेखि यो सेयर लिलामीमा ल्याएको हो । कम्पनीले यसअघि जेठ १३ देखि असार ३ गते सम्म निर्धारण गरेर २ लाख कित्ता सेयर बिक्री खुला गरेको थियो । जसमध्ये संस्थापक समूहको सेयरमा आवेदन नै परेको थिएन । नबिकेको बाँकी सेयर पुनः लिलामीमा ल्याएको हो । यसमा सर्वसाधारणले समेत यसमा आवेदन दिन सक्नेछन् ।
यसमा सर्वसाधाणले पनि आवेदन दिन पाउनेछन । लगानीकर्ताले न्यूनतम २४२ रुपैयाँलाई आधार बिन्दु बनाएर बोलकबोल गर्नुपर्नेछ । यसमा व्यक्ति, कम्पनी र संघ संस्थाले आवेदन दिन सक्नेछन् । न्यूनतम ५ ००० कित्ताका लागि आवेदन दिन पाइनेछ र अधिकतम सबै कित्ताका लागि बोलपत्र प्रस्ताव गर्न पाइनेछ ।
हाल नेकोको चुक्ता पुँजी ७८ करोड ४१ लाख रुपैयाँ छ । हकप्रद र लिलामी सेयर बिक्री गरिसकेपछि चुक्ता पुँजी १ अर्ब १७ करोड ६२ लाख ७८ हजार ४०० रुपैयाँ पुगेको छ । प्रतिसेयर आम्दानी ३५ रुपैयाँ ७७ पैसा रहेको नेको इन्सुरेन्सको प्रतिसेयर नेटवर्थ भने २३६ रुपैयाँ १४ पैसा छ ।
