प्रभु इन्स्योरेन्सको हकप्रद सेयर असार ८ गतेबाट खुल्ने, हकप्रदको पुँजीकरण पछि चुक्तापुंजी १ पुग्ने

इन्स्योरेन्स खबर/काठमाडौँ:  निर्जिबन बीमा ब्यबसाय गर्ने प्रभु इन्स्योरेन्सले असार ८ गते देखि हालकायम चुक्ता पूँजीको ४६ प्रतिशत हकप्रद सेयर बिक्री खुला गरेको छ । हाल कम्पनीको चुक्ता पुँजी ६८ करोड ८४ लाख रुपैयाँ छ, कम्पनीले ३१ लाख ६६ हजार ६७ दशमलव ६३ कित्ता हकप्रद सेयर निष्कासन गरेको हो ।

हकप्रद सेयरको निष्काशन तथा विक्री प्रबन्धकको काम प्रभु क्यापिटलले गर्ने छ । सेयरधनीले धितोपत्र बोर्डबाट अनुमति प्राप्त गरेका सबै बैंक तथा वित्तीय संस्थाबाट हकप्रदमा आवेदन गर्न सक्नेछन् । त्यसैगरि प्रभु क्यापिटलकोकार्यालय कमलादीबाट पनि हकप्रदमा आवेदन गर्न पाइने व्यवस्था गरेको कम्पनीले जनाएको छ ।

हकप्रद निष्काशन प्रयोजनको लागि इन्स्योरेन्सले जेठ १४ गते सेयरधनी किताब बन्द गरेको थियो । यसअनुसार जेठ १३ गतेसम्म कायम रहेका सेयरधनीले मात्र हकप्रदमा आवेदन दिन पाउनेछन् ।

प्रभु इन्स्योरेन्सले धितोपत्र बोर्डबाट बैशाख २७ गते १० बराबर ४.६ कित्ता अनुपातमा ३१ लाख ६६ हजार ६७७.६३ कित्ता हकप्रद सेयर निष्कासन गर्न स्वीकृती प्राप्त गरेको थियो ।

हकप्रद बिक्रीपछि प्रभुको चुक्ता पुँजी १ अर्ब ५० लाख ७५ हजार रुपैयाँ पुग्नेछ ।हकप्रद सेयरको पुँजीकरण सँगै कम्पनीले बीमा समितिले तोके बमोजिम निर्जिवन बीमा कम्पनीले कायम गर्नुपर्ने एक अर्ब रुपैयाँ कायम गर्नेछ ।

प्रतिक्रिया दिनुहोस्

सम्बन्धित समाचार