नेपाल इन्स्योरेन्सको एक लाख ६१ हजार कित्ता शेयर लिलामीमा

इन्स्योरेन्स खबर/काठमाडौंः नेपाल कै पहिलो बिमा कम्पनीनेपाल इन्स्योरेन्स कम्पनीले केहि समय अगाडी वितरण गरेको १:१ अनुपातको हकप्रदमा बिक्रि नभएको मध्येको शेयर लिलामी आगामी असार ३ गतेदेखि गर्ने भएको छ, कम्पनीले कुल १ लाख ६१ हजार १२४ कित्ता लिलाम मार्फत बिक्रि गर्ने जनाएको छ ।

जस मध्ये कम्पनीले संस्थापकतर्फ २ हजार १७७ र सर्वसाधारण समूहको १ लाख ५८ हजार ९४६ कित्ता हकप्रद लिलामी गर्न लागेको हो । कम्पनीको हकप्रदमा बिक्री नभएको संस्थापक र सर्वसाधारण समूहको शेयर लिलामी गर्ने भएको हो ।

कम्पनीको बिक्री प्रवन्धक एनआईबीएल एस क्यापिटल लिमिटेडलका अनुसार लिलामी शेयरमा असार ३ देखि १० गते सम्म शिलवन्दी बोलपत्र पेश गर्न सकिनेछ ।
लगानीकर्ताले क्यापिटलका राजधानीका लाजिम्पाट, लालदरबार, लगनखेल शाखाहरु, चिप्लेढुंगा पोखरा, ट्राफिक चोक बुटवल, आदर्शनगर बीरगञ्ज र गोल्छाचोक विराटनगर तथा नेपाल इन्भेष्टमेन्ट बैंकका सुर्खेत, नेपालगञ्ज, नारायणगढ र धनगढी शाखाबाट आवेदन दिन सकिने कम्पनीले जनाएको छ ।

लीलाम बढाबढमा सहभागी हुन चाहनेहरुले साधारणतर्फको शेयरका लागि कम्तिमा १ सय कित्ता र संस्थापकतर्फ कम्तिमा १ हजार कित्ताको आवेदन दिनुपर्ने छ । कम्पनीले गत बैशाख ५ देखि जेठ ८ गतेसम्म हकप्रद निष्कासन गरेको थियो ।

प्रतिक्रिया दिनुहोस्

सम्बन्धित समाचार