एशियन लाईफ इन्स्योरेन्सको दशौं वार्षिक साधारण सम्पन्न, ६० प्रतिशत हकप्रद शेयरको प्रस्ताब पारित

Citizen Life Insurance Co

इन्स्योरेन्स खबर/काठमाडौंः एशियनलाईफ इन्स्योरेन्सले आफ्नो दशौं वार्षिक साधारण सभा बीरगंज स्थित होटल भिश्वामा यही २०७५ सालजेष्ठ १९गते शनिवार सफलता पुर्बक सम्पन्न गरेको छ । सो साधारण सभामा संचालक समितिको तर्फबाट अध्यक्ष श्री दिपककुमार श्रेष्ठले गत आर्थिक वर्ष २०७३/७४ को वार्षिक प्रतिवेदन पेश गर्नु भएको थियो।

साधारण सभाले कम्पनीले हालैमात्र जारी गरेको ५० प्रतिशतको हकप्रद शेयरको वाँडफाँड पश्चात कायम हुने कुल चुक्तापुंजी समेत कायम प्रस्ताब गरेको ४ प्रतिशत बोनस शेयर र सो लाग्ने कर समेत पारित गरेको जनाएको छ।

साधारण सभाबाट पारित भएको बोनस शेयरको पंजीकरण संगै कम्पनीको चुक्तापूँजी रु. १ अर्ब २५ करोड ६७लाख २५ हजार ४५४ रुपैया ४० पैसा पुगेको कम्पनीले जनाएको छ । बिमा समितिको निर्देशन बमोजिम जिबन बीमा कम्पनी हरुलाई २ अर्ब पुंजी कायम गर्नु पर्ने समय नजिकीदै जादा कम्पनीले फेरी अर्को १०:६ को अनुपातमा हकप्रद शेयर जारी गरि कम्पनीको चुक्तापूँजी रु.दुई अर्ब चुक्ता पुंजी पुर्‍याउने प्रस्ताब पनि पारित गरेको छ, हाल कम्पनीको अधिकृत पूँजी रु.५ अर्बको रहेकोछ ।

२०६४ साल चैत्र २१ गते देखि कारोवार संचालन गरेको यस कम्पनीको २०७४ साल चैत्र मसान्त सम्ममा रु.१२ अर्ब ९ करोड को जीवनबीमा कोष र रु.१२ अर्ब २८ करोड लगानी तथा कर्जा रहेकोे छ । त्यस्तै कम्पनीले चालु आर्थिक वर्षको बैशाख मसान्त सम्ममा कूल रु.२ अर्ब १६ करोड १४ लाख बीमा शुल्कआर्जन गरीसकेको जनाएको छ। कम्पनीले नेपाल भरि २८ वटा शाखा तथा ६९ वटा उप-शाखाहरुबाट बीमा सेवाप्रदान गर्दै आईरहेको छ ।

प्रतिक्रिया दिनुहोस्

सम्बन्धित समाचार