इन्स्योरेन्स खबर/काठमाडौँ: जीवन बीमालाई सर्वसाधारणको पहुँचसम्म सजिलै पुर्याउने उद्देश्यले मिति २०७५/०२/०९ गते एशियन लाईफ ईन्स्योरेन्स कम्पनी लिमिटेड र कैलाश विकास बैंक लिमिटेड बीच बैंकासुरेन्स सम्बन्धी संझौतापत्रमा हस्ताक्षर भएको छ । उक्त संझौतापत्रमा एशियन लाईफ ईन्स्योरेन्स कम्पनी लिमिटेडका प्रमुख कार्यकारी अधिकृत श्री राजेश कुमार श्रेष्ठ र कैलाश विकास बैंक लिमिटेडकाप्रमुख कार्यकारी अधिकृत श्री अमृत चरण श्रेष्ठले एक कार्यक्रमका बीच हस्ताक्षर गर्नुभएको छ ।
बैंकासुरेन्सको माध्यमबाट बैंकका शाखाहरुबाट समेत एशियन लाईफले प्रचलनमा ल्याएका सावधिक र म्यादी गरी १८ वटा जीवन बीमा योजनाहरु खरिद गर्न सहजता प्रदान गर्नेछ । अब एशियन लाईफका बीमा योजनाहरु तथा बीमा सेवाहरु सजिलैसँग कैलाश विकास बैंकका नेपालभरिका ५२ वटा शाखा कार्यालयहरुबाट समेत लिन सकिनेछ ।
एशियन लाईफ इन्स्योरेन्स कम्पनी लिमिटेडको हाल ६९ वटा उपशाखा तथा २८ वटा शाखा कार्यालयहरु रहेका छन् । २०७४ चैत मसान्तसम्म यस कम्पनीको जीवन बीमाकोष रु.१२ अर्ब ९ करोड, लगानी १२ अर्ब २८करोड तथा चुक्ता पूँजी रु.१ अर्ब २० करोड (हालै जारी गरिएको ५० % हकप्रद शेयर पूँजीकरण पश्चात) रहेको छ ।
र यो पनि….
