लुम्विनी जनरल इन्स्योरेन्सको खुद नाफा १४ करोड

Citizen Life Insurance Co

इन्स्योरेन्स खवर/काठमाडौं: लुम्विनी जनरल इन्स्योरेन्स कम्पनीले चैत मसान्तसम्ममा १४ करोड ४७ लाख रुपैयाँ खुद नाफा आर्जन गरेको छ । जुन अघिल्लो वर्षको सोही अवधिको तुलानामा ३३ प्रतिशतले वृद्धि हो ।

कम्पनीले गतवर्षको सोही अवधिमा ११ करोड ६१ लाख रुपैयाँ खुद नाफा गरेको थियो । ८८ करोड रुपैयाँ चुक्ता पुँजी पुर्याएको यस कम्पनीले जगेडा तथा कोषमा १० करोड ७३ लाख, बीमा कोष अन्तर्गत ३९ करोड ८४ लाख रुपैयाँ राखेको छ । त्यस्तै महा–विपत्ती कोषमा ३ करोड ५० लाख रुपैयाँ सञ्चित गरेको छ ।

तेस्रो त्रैमासिक अवधिमा कम्पनीले ५४ करोड ९७ लाख खुद बीमा शुल्क आर्जन गरेको कम्पनीको कुल बीमा शुल्क आर्जन भने ८८ करोड ५३ लाख रुपैयाँ रहेको छ ।
९३ हजार १ सय ९० जारी बीमालेख जारी गरेको कम्पनीको नविकरण गरिएको बीमालेखको संख्या १३ हजार ४ सय ५७ रहेको छ । कम्पनीको कुल दावी भक्तानी रकम ३९ करोड ८४ लाख रुपैयाँ छ भने भुक्तानी हुन बाँकी दावी रकम भने ४५ करोड १९ रुपैयाँ देखिएका छ ।

कम्पनीको प्रतिसेयर आम्दानी २१ रुपैयाँ ९३ पैसा, प्रतिशेयर नेटवर्थ १ सय ६१ रुपैयाँ ४५ पैसा, पि.ई. अनुपात २४ दशमलव ६२ गुणा, प्रतिसेयर कुल आम्दानीको सम्पत्तिको मुल्य २ सय ७० रुपैयाँ ३४ पैसा रहेको छ ।

कम्पनीले सार्वजनिक गरेको तेस्रो त्रैमासिक अवधिमा कम्पनीको मौज्दात, आम्दानी व्यवस्थापनले अनुमान गरे अनुरुप नै सन्तोषजनक रहेको कम्पनीले जनाएको छ । कम्पनीले आगामी दिनमा बीमा बजारको धरातल र जोखिमको विश्लेषण, विविधिकरण, गुणस्तरीय व्यवसायको अभिवृद्धि गरि छिटो, छरितो रुपमा ग्राहकहरुलाई सेवा प्रदान गर्ने नीतिहरुलाई निरन्तरता दिने रणनीति बनाएको स्पष्ट पारेको छ ।

प्रतिक्रिया दिनुहोस्

सम्बन्धित समाचार