प्रुडेन्सियल इन्स्योरेन्सको खुद नाफा २० प्रतिशतले वृद्धि, प्रिमियम संकलन १ अर्वमाथि

Citizen Life Insurance Co

इन्स्योरेन्स खवर/काठमाडौं:प्रुडेन्सियल इन्स्योरेन्स कम्पनीले आर्थिक वर्ष २०७४/०७५ को तेस्रो त्रैमासिक वित्तीय विवरण सार्वजनिक गरेको छ । सार्वजानिक विवरण अनुसार कम्पनीले यो अवधिमा १२ करोड १६ रुपैयाँभन्दा बढि खुद नाफा आर्जन गरेको छ । जुन १९ दशमलव ८३ प्रतिशतले वृद्धि हो । गत आर्थिक वर्षको सोही अवधिमा १० करोड १५ लाख रुपैया भन्दा बढि खुद मुनाफा आर्जन गरेको थियो ।

६४ करोड १५ रुपैयाँ चुक्ता पुँजी रहेको यस कम्पनीले जगेडा तथा कोषमा १० करोड ७५ लाख, बीमा कोष अन्तर्गत ४१ करोड ८१ लाख रुपैयाँभन्दा बढि रकम राखेको छ ।

१ अर्व २ करोड २१ लाख रुपैयाँभन्दा बढि कुल बीमा शुल्क आर्जन गरेको यस कम्पनीले पछिल्लो अवधिमा मात्रै ३६ करोड २२ लाख रुपैयाँभन्दा बढि बीमा शुल्क आर्जन देखिन्छ । हालसम्म १ लाख १ सय ३ बीमालेखको जारी गरेकोमध्ये कम्पनीले १७ हजार ६ सय ५७ मात्र नविकरण गरिएको विवरणमा उल्लेख छ ।
प्रतिसेयर आम्दानी २५ रुपैयाँ २८ पैसा रहेको यस कम्पनीको कुल दावी भुक्तानी रकम भने ५७ करोड ३१ लाख रुपैया छ । कुल दावी भुक्तानी संख्या ४ हजार ६ सय १७ रहेता पनि भुक्तान हुन बाँकी रकम भने ६९ करोड ६५ लाख रुपैयाँ भन्दा बढि देखिन्छ ।

प्रतिसेयर नेटवर्थ १ सय ८१ रुपैयाँ ९३ पैसा, पि.ई. अुनपात २६.८९ गुणा र प्रतिसेयर कुल सम्पत्तिको मुल्य ३ सय ३६ रुपैयाँ ०४ पैसा रहेको छ ।
यस अवधिको वित्तीय स्थिति व्यवस्थापनले अनुमान गरे अनुरुप नै रहेको संस्थाको मौज्दात, आम्दानी तथा तरलता प्रशस्त मात्रामा रहेको छ । साथै आगामी दिनमा व्यवसायिक विविधिकरण, गुणस्तरीय सेवा प्रदान तथा ग्राहकमुखी नयाँ सेवा, सुविधा शुरु गरि संस्थालाई अझै सवल बनाउने कम्पनीले योजना तय गरेको छ ।

प्रतिक्रिया दिनुहोस्

सम्बन्धित समाचार