चुक्तापूँजी ८० प्रतिशतले बढाएको प्रुडेन्सियलको प्रतिसेयर आम्दानी १५ रुपैयाँ

Citizen Life Insurance Co

काठमाडौंः प्रुडेन्सियल इन्स्योरेन्स कम्पनीले चालू आर्थिक वर्षको तेश्रो त्रैमासिक वित्तीय विवरण पस्केको छ । यो अवधिमा ८० प्रतिशतले चुक्तापूँजी बढाएको कम्पनीले १२ करोड १६ लाख रुपैयाँ खुद नाफा कमाएको छ ।

गत आर्थिक वर्षको यसै अवधिमा कम्पनीले १० करोड १५ लाख रुपैयाँ मुनाफा कमाएको थियो । चुक्तापूँजी ३५ करोड ६४ लाख रुपैयााँबट चुक्तापूँजी ६४ करोड १५ लाख पुर्याएको प्रुडेन्सियलले जगेडा कोषमा १० करोड ७५ लाख रुपैयाँ राखेको छ । त्यस्तै कम्पनीले बीमा कोषलाई पनि १० करोडले बढाएर ४१ करोड ८१ लाख रुपैयाँ पुर्याएको छ ।

कम्पनीको आम्दानीमा २ दशमलव ६५ ले घटेर ९२ करोड ३८ लाख रुपैयाँ पुगेको छ भने खर्चमा पनि ७ दशमलव ६१ प्रतिशतले कमी आई ८१ करोड ४३ लाख रुपैयाँ पुगेको छ ।

कम्पनीले यस अबधिमा बीमा शुल्क (खुद) ३६ करोड २२ लाख रुपैयाँ आर्जन गरेको छ भने भुक्तानी दाबी (खुद) २३ करोड २८ लाख रुपैयाँ बराबरको गरेको छ । कम्पनीले यस अबधिमा १ लाख १०३ वटा (संख्या) बीमालेख जारी गरेको छ । भने ४ हजार ६ सय १७ वटा (संख्या) दाबी भुक्तानी गरेको छ । हालसम्म कम्पनीले १ अर्ब २ करोड २१ लाख २१ हजार रुपैयाँ कुल बीमा शुल्क आर्जन गरेको विवरणमा उल्लेख छ । भने यो अवधिसम्म कम्पनीले ५७ करोड ३१ लाख ४१ हजार रुपैयाँको दाबी भुक्तान गरेको देखिन्छ । त्यस्तै कम्पनीले ३ हजार ७ सय ६७ बीमालेखको ६९ करोड ६५ लाख रुपैयाँ दाबी भुक्तानी गर्नुपर्नेछ ।

प्रुडेन्सियलको प्रति सेयर आम्दानी २५ रुपैयाँ २८ पैसामा झरेको छ । गतवर्षको सो अवधिमा प्रति सेयर आम्दानी ३७ रुपैयाँ ९८ पैसा थियो । त्यस्तै पि ई अनुपात २६ दशमलब ८९ गुणा र प्रति सेयर नेटवर्थ १ सय ८१ रुपैयाँ ९३ पैसा रहेको छ ।

प्रतिक्रिया दिनुहोस्

सम्बन्धित समाचार