इन्स्योरेन्स खबर/काठमाडौं: मंसिरदेखि सञ्चालनमा आएको प्रभु लाइफ इन्स्योरेन्स लिमिटेडले चैत मसान्तसम्ममा ४ करोड ८७ लाख ९३ हजार ९ सय ७८ रुपैयाँ खुद मुनाफा कमाएको छ । जुन अघिल्लो त्रैमासको तुलनामा ३१ दशमलव १२ प्रतिशतले बढी हो । पुस मसान्तसम्म कम्पनीले ३ करोड ७२ लाख ११ हजार ५८० रुपैयाँ कमाएको थियो ।
प्रभु समूह, प्रभु बैंक,सांग्रिला विकास बैंक र मुलुकका अन्य प्रतिष्ठित व्यवसायिक समूहको लगानी रहेको प्रभु लाइफको चुक्तापूँजी १ अर्ब ४० करोड रुपैयाँ चुक्ता पुँजी रहेको छ ।
समिक्षा अवधिमा कम्पनीले जगेडा कोषमा ४ करोड ९० लाख रुपैयाँ छुट्याएको छ । महाविपत्तीकोषमा हालसम्म रकम नराखेको कम्पनीले जीवन बीमा कोषमा २ करोड ३ लाख रुपैयाँ सञ्चित गरेको छ ।
यो अवधिमा कम्पनीले ३ करोड १४ लाख २४ हजार रुपैयाँ खुद बीमा शुल्क आर्जन गरेको छ । अघिल्लो त्रैमासमा कम्पनीले १ करोड १९ लाख रुपैयाँ खुद बीमा शुल्क आर्जन गरेको थियो ।
कम्पनीले बीमा समितिले तोकेको २ अर्ब चुक्ता पूजी पुर्याउनका लागि ६० करोड रुपैयाँ बराबरका ६० लाख कित्ता आइपीओ जारी गर्दैछ ।
