नारायाणगढमा सञ्चालन हुँदैछ सेयर तालिम, सेयर किन्न इच्छुकका लागि विशेष फलदायी

इन्स्योरेन्स खबर/काठमाडौंः क्यापिटल प्लसले चितवनमा एक दिन सेयर बजार सम्बन्धी तालिम आयोजना गर्ने भएको छ । यसअघि पनि नारायाणगढ, हेटौंडा, बुटवल र काठमाडौं तालिम सम्पन्न गरिसकेको क्यापिटल प्लसले दोस्रो पटक नारायाणगढमा तालिम सञ्चालन गर्न लागेको हो ।

होटल रेड कार्पेट लायन्स चोक नारायाणगढमा आयोजना हुन लागेको सो तालिम कार्यक्रम वैशाख २९ गते शनिबार विहान १०ः३० बजेदेखि बेलुका ५ बजेसम्म चल्ने आयोजकले बताएको छ ।

मोफसलका लगानीकर्तालाई पनि सेयर बजारबारे जानकारी दिने उदेश्यले आयोजना गरिएको हो । कार्यक्रममा ज्योती विकास बैंकका प्रमुख कार्यकारी अधिकृत मनोज कुमार ज्ञवाली, नेशनल मर्चेन्ट मर्चेन्ट बैंंकर्सका ट्रेनिङ एण्ड डेभलपमेन्ट शाखा प्रमुख सन्तोष राज बजगाईँले प्रशिक्षण दिनुहुनेछ ।

यस तालिम कार्यक्रममा सेयर बजारको आधारभूत जानकारी हासिल गर्न महत्वपूर्ण सावित हुने आयोजकको विश्वास छ । कार्यक्रममा सेयर बजारका सैद्धान्तिक र व्यवहारिक पक्षहरु, सेयर बजारमा लगानी कसरी गर्ने, लगानीगर्दा ध्यान दिनुपर्ने कुरा साथै कम्पनीहरुको वासलात, नेपालमा अनलाईन सेयरकारोबारको महत्व लगायतका विषयमा छलफल हुनेछ ।

त्यसैगरी लगानीका लागि राम्रा कम्पनीहरु कसरी छान्ने ? पोर्टफोलियो म्यानेजमेन्ट जोखिम नियन्त्रण लगायत सेयर बजारमा आधार पाटापक्षबारे जानकारी दिने साथै अन्तक्रिया हुने आयोजक क्यापिटल प्लसले बताएको छ ।

कार्यक्रममा सहभागि हुन इच्छुकले क्यापिटल प्लसका सञ्चालक सन्तोष क्षेत्री ९८०१००५०१३९ मा सम्पर्क गर्न सकिने आयोजकले बताएको छ ।

प्रतिक्रिया दिनुहोस्

सम्बन्धित समाचार