नेपाल पुनर्वीमा कम्पनीको मुनाफा १९५ प्रतिशतले बढ्यो, निर्जीवनतर्फको खुद बीमा शुल्क २३ करोडले कमी

Citizen Life Insurance Co

इन्स्योरेन्स खबर/काठमाडौंः चैत मसान्तसम्ममा नेपाल पुनर्वीमा कम्पनीको मुनाफा १९५ प्रतिशतले बढेको छ । जीवन र निर्जीवन गरी कम्पनीले यो अवधिमा ५४ करोड ३६ लाख १७ हजार रुपैयाँ खुद मुनाफा आर्जन गरेको छ ।

समिक्षा अवधिमा कम्पनीले निर्जीवन व्यवसायबाट ४९ करोड ४५ लाख ९६ हजार नाफा कमाएको छ भने जीवन बीमा व्यवसायबाट ४ करोड ९० लाख २१ हजार नाफा आर्जन गरेको देखिन्छ । गत आर्थिक वर्षको सो अवधिमा कम्पनीले जीवन बीमा व्यवसायबाट २ करोड ४५ हजार र निर्जीवन बीमा व्यवसायबाट १६ करोड ४२ लाख ७ हजार रुपैयाँ खुद मुनाफा कमाएको थियो ।

जीवन र निर्जीवन व्यवसाय तर्फ ५/५ अर्ब चुक्तापूँजी रहेकको पुनर्वीमा कम्पनीले निर्जीवनतर्फ १ अर्ब ५६ करोड जगेडामा राखेको छ भने जीवन व्यवसाय तर्फ १५ करोड २० लाख रुपैयाँ जगेडा कोषमा रहेको छ ।

समिक्षा अवधिमा कम्पनीको जीवन बीमा व्यवसायबाट ७ करोड ३२ लाख ९१ हजार रुपैयाँ खुद बीमा शुल्क आर्जन गरेको छ भने निर्जीवन बीमा व्यवसायबाट ९३ करोड १० लाख ३ हजार बीमा शुल्क आर्जन गरेको तथ्यांकले देखाउँछ । गतवर्षको सो अवधिमा कम्पनीले निर्जीवन व्यवसायबाट १ अर्ब १६ करोड ६५ लाख ५१ हजार रुपैयाँ र जीवन बीमाबाट ४ करोड ३९ लाख ७२ हजार रुपैयाँ बीमा शुल्क संकलन गरेको छ । यसरी हेर्दा यो अवधिमा निर्जीवन व्यवसायबाट कम्पनीको बीमा शुल्क आम्दानीमा २३ करोडले कमी हो । त्यसैगरी कम्पनीले यो अवधिमा निर्जीवन व्यवसायको पुनर्वीमा कमिशन आय २१ लाखले बढाएको छ ।

चालू आर्थिक वर्षको तेस्रो त्रैमाससम्म आइपुग्दा कम्पनीले ३० करोड २४ लाख १५ हजार रुपैयाँ बराबरको निर्जीवन तर्फ र जीवन तर्फ २ करोड २९ लाख १० हजार रुपैयाँ बराबरको दाबी भुक्तानी गरेको छ ।

प्रतिक्रिया दिनुहोस्

सम्बन्धित समाचार