इन्स्योरेन्स खबर/काठमाडौंः शिखर इन्स्योरेन्स कम्पनीले संस्थापक सेयरलाई साधारण सेयरमा रुपान्तरण गर्ने भएको छ । संस्थापक र साधारण सेयरधनीको अनुपातमा ६० : ४० कायम गर्न कम्पनीले संस्थापक सेयरधनीलाई साधारण सेयरमा रुपान्तरण गर्ने लागेको हो ।
हाल शिखर इन्स्योरेन्समा संस्थापकको सेयर स्वामित्व ७० सर्वसाधारणको सेयर स्वामित्व ३० प्रतिशत रहेको छ । कम्पनीले १० प्रतिशत संस्थापक सेयरलाई साधारणमा परिमार्जन गर्न लागेको हो । यसअघि शिखर इन्स्योरेन्सले १० प्रतिशतले सर्वसाधारणको हिस्सा बढाउन एफपीओ निष्कासन प्रक्रिया अगाडि सारेको थियो । धितोपत्र बोर्डले गरेको व्यवस्था अनुसार अहिले कम्पनीले तत्काल नै एफपीओ बिक्री गर्न नपाउनेभएपछि सो प्रक्रिया अपनाएको बताएको छ ।
कम्पनीले संस्थापक सेयरधनीलाई आफनो स्वामित्व साधारण सेयरमा परिवर्तन गर्ने कि नगर्ने स्पष्ट पार्न एक सुचना जारी गरि अुनरोध गरेको छ । संस्थापक सेयर परिर्तन गर्ने वा नगर्ने स्पष्ट पार्न पार्नका लागि कम्पनीले आउदो ३५ दिनभित्र निवेदन पेश गर्न आग्रह गरेको हो ।
कम्पनीको सेयर संरचना परिवर्तन गर्ने प्रस्ताव साधारणसभाबाट पारित भएको र कम्पनीको प्रवन्धपत्र र नियमावलीमा संशोधन समेत गरिसकेको कम्पनीले नियामक बीमा समितिबाट स्वीकृति पनि प्राप्त गरिसकेकोे उल्लेख गरेको छ ।
