प्रतिस्पर्धी बन्दै सूर्या लाइफ इन्स्योरेन्स नयाँ बोनशदर प्रतिहजार ७३ रुपैयाँसम्म

Citizen Life Insurance Co

इन्स्योरेन्स खबर/काठमाडौं (बैशाख २३): सूर्या लाइफ इन्स्योरेन्स कम्पनी लिमिटेडले नयाँ बोनशदर घोषणा गरेको छ । कम्पनीले बीमालेखमा प्रतिहजार वार्षिक न्युनतम् ३८ देखि ७३ रुपैयाँसम्म बोनस दिने भएको हो ।

सम्बन्धित बिमाङ्किय मुल्यांकनकर्ता/एक्चुरिले निर्धारण गरेको मुल्यांकनलाई नियामक बीमा समितिले बिहीबार स्वीकृत गरेपछि कम्पनीले नयाँ बोनस दर घोषणा गरेको हो । गत आर्थिक वर्ष २०७३/०७४ को आर्थिक स्थितीको लेखाजोखा र दायित्वको (बिमाङ्किय) मूल्याँकन सम्बन्धित बिमाङ्किय प्रतिवेदन सगै कम्पनीको बोनसदर परिबर्तन भएको छ।

गत असार मशान्तसम्म जारी भएका जीबन बीमालेखहरुमा नयाँ बोनस दर कायम गरिएको कम्पनीले जनाएको छ । कम्पनीले ९ वर्षसम्मको बीमालेखमा सावधिक तथा आजीवनमा प्रतिहजार ३८ रुपैयाँ, १० देखि १४ वर्षसम्म ४३, १५ देखि १९ वर्षसम्म ४८, २० देखि २४ वर्षसम्म ५८, २५ देखि २९ वर्षसम्म ६३ र ३० वर्षमाथि ७३ रुपैयाँ बोनसदर तोकिएको छ ।

सामान्यतया नेपालमा १५ वर्षको बिमा गर्ने प्रचलन धरै छ, अब कम्पनीको नयाँ बोनसदर अनुसार बिमा गर्दा अन्य प्रतिस्पर्धीकै हारा-हारीमा कम्पनी पुग्न थालेको देखिन्छ । नेपालमा हालसम्म जिबन बिमा कम्पनीहरुले प्रति वर्ष प्रतिहजारमा ८५ रुपैयाँ सम्म बोनसदर घोसणा गरेका छन्, बोनशदर कम्पनीको ब्यबसाय र मुनाफामा निर्भर हुनेहुदा समय अनुकुल परिबर्तन हुदै जाने गरेको छ।

 

प्रतिक्रिया दिनुहोस्

सम्बन्धित समाचार