प्रभु लाइफ इन्स्योरेन्सको प्रदेश कार्यालय धनगढीमा

Citizen Life Insurance Co

इन्स्योरेन्स खबर, काठमाडौं, वैशाख २० । प्रभु लाइफ इन्स्योरेन्स लिमिटेडले आफ्नो प्रदेश कार्यालय धनगढीको सञ्चालनमा ल्याएको छ । कम्पनीले विहिबारदेखि उक्त प्रदेश कार्यालयको औपचारिक रुपमा नै शुभारम्भ गरेको हो ।

उक्त कार्यालयको शुभारम्भ प्रदेश नं. ७ का मुख्य मन्त्री त्रिलोचन भट्टूले बिहीबार एक कार्यक्रमकाबीच गरे । कार्यक्रमको उद्धघाटन गर्दै मुख्य मन्त्री भट्टूले नेपालमा जीवन बीमाको सम्भाब्य बजार धेरै भएकाले र बीमा कम्पनीहरुले थप उक्तदायी भएर सहज रुपमा जीवन बीमा सेवा उपलब्ध गराउन बिशेष भुमिका खेल्नु पर्नेमा जोड दिए ।

प्रदेशहरुमा यसरी नयाँ बीमा कम्पनी संचालनमा आउँदा थप रोजगारीका अवसरहरु सृजना हुने तथा बीमा बजारलाई समेत थप विस्तार गर्न सघाउ पुग्ने उनको भनाई थियो । कार्यक्रमलाई सम्बोधन गर्दै उनले प्रदेश सरकारले व्यवसायीहरुलाई लगानीमैत्री कानुन बनाई व्यावसायीक बातावरण बनाउन प्रतिबद्धता व्यक्त गरे ।

त्यस्तै कम्पनीका अध्यक्ष रामबहादुर पाण्डेले जीवन बीमालाई गाउँसम्म पुर्याउने उदेश्य सहित कम्पनी स्थापना भएको बताउँदै बीमा बजारमा प्रभु लाइफ इन्स्योरेन्सले नयाँ आयाम थप्ने दाबी गरे । उनले शहरसँगै गाउँसम्म जीवन बीमा विस्तार गर्ने प्रतिबद्धता जनाए ।

कम्पनीका निमित्त प्रमुख कार्यकारी अधिकृत किशोरप्रसाद लामिछानेले कम्पनीका हाल विभिन्न १९ शाखा कार्यालयहरुबाट जीवन बीमा सेवाहरु उपलब्ध रहेको र छिटो भन्दा छिटो कम्पनीले देशका सबै जिल्लाहरुमा आफ्नो संजाल बिस्तार गर्ने योजना रहेको जानकारी गराए ।

कार्यक्रममा कम्पनीका अध्यक्ष, प्रमुख कार्यकारी अधिकृत, विभागिय प्रमुखहरु तथा प्रदेश नं. ७ मा रहेका विभिन्न कार्यालय तथा संकायहरुमा सम्बद्घ अतिथि लगायत स्थानिय प्रतिष्ठित व्यक्तिहरुको उपस्थित थियो ।

दुई अर्ब चुक्ता पूँजी रहेको प्रभु लाइफ इन्स्योरेन्स कम्पनीमा १ अर्ब ४० करोड संस्थापक शेयरधनीले लगानी गरेका छन् । कम्पनीले केही महिनाभित्रैमा ६० करोड रुपैयाँ बराबरको साधारण शेयर जारी गर्नेछ ।

यो पनि हेर्नुहोस्

आईपीओ निष्कासन गर्ने प्रस्तावसहित प्रभु लाइफले बोलायो पहिलो साधारणसभा

प्रतिक्रिया दिनुहोस्

सम्बन्धित समाचार