सहारा विकास बैंकको २५० प्रतिशत हकप्रद जेठ ६ देखि निष्कासन हुने

काठमाडौं, वैशाख १९ । सहारा विकास बैंकले चुक्ता पूँजीको २५० प्रतिशत हकप्रद निष्कासन गर्ने भएको छ । बैंकले एक सय रुपैयाँ अंकित मूल्यमा १८ लाख २४ हजार कित्ता हकप्रद निष्कासन गर्ने भएको हो ।

हकप्रदमा बैशाख ९ गतेसम्म कायम शेयरधनीले जेठ ६ गतेदेखि असार ९ गतेसम्म आवेदन दिन सक्नेछन् । बैंकको सेयर निष्कासन तथा बिक्री प्रबन्धकमा एनआइविएल एस क्यापिटलले रहेको छ ।

हालको बैंकको चुक्ता पूँजी ७ करोड २९ लाख रुपैयाँ रहेको छ र हकप्रद बिक्रीपश्चात बैंकको २५ करोड ५४ लाख रुपैयाँ पुग्नेछ । बैंकको हकप्रदलाई इक्रा नेपालले ’इक्रा एनपि आइपिओ ग्रेड ५’ प्रदान गरेको छ । जसले बैंकको अवस्था कमजोर रहेको संकेत गर्दछ । हकप्रद निष्कासन पश्चात बैंकमा संस्थापक शेयरधनीको स्वामित्त ५१ प्रतिशतसर्वसाधारण शेयरधनीको ४९ प्रतिशत पुग्नेछ ।

हकप्रदमा बिक्री प्रबन्धक एनआइबिएल एस क्यापिटल तथा यसका शाखा कार्यालयहरु, सहारा विकास बैंकका शाखा कार्यालयहरु र सीआस्वा सुविधा प्रदान गर्ने बैंक तथा वित्तीय संस्थाबाट आवेदन दिन सकिनेछ ।

प्रतिक्रिया दिनुहोस्

सम्बन्धित समाचार