कामना सेवा विकास बैंकको ८ लाख ४९ हजार कित्ता सेयर वैशाख २४ देखि लिलामीमा

Citizen Life Insurance Co

काठमाडौं बैशाख १६ : कामना सेवा विकास बैंकले ८ लाख ४९ हजार ९६३.७७ कित्ता सेयर लिलामीमा ल्याउने भएको छ । बैंकले सर्वसाधारण समूहको २ लाख १२ हजार १४६.८४ कित्ता र संस्थापक समूहको ६ लाख ३७ हजार ८१६.९३ कित्ता सेयर लिलामी गर्न लागेको हो । यसमा वैशाख २४ देखि ३१ गतेसम्म आवेदन दिने पाइनेछ । लगानीकर्ताले न्यूनतम १०० रुपैयाँ वा यसभन्दा बढी रकम बोलकबोल गर्नपर्नेछ ।

संस्थापक र सर्वसाधारण समूहमा क्रमशः न्यूनतम १००० र १०० कित्तादेखि अधिकतम सबै कित्ताका लागि आवेदन दिन पाइने व्यवस्था छ । लगानीकर्ताले बिक्री प्रबन्धक एनएमबि क्यापिटल नागपोखरी काठमाडौं तथा एनएमबि बैंकको विराटनगर, वीरगञ्ज, नेपालगञ्ज, सुर्खेत र धनगढी शाखाबाट बोलपत्र फारम भर्न र बुझाउन सक्नेछन् ।

यसैगरी, कामना सेवाको ज्ञानेश्वर काठमाडौं, बुटवल, पोखरा र नारायणगढ शाखाबाट पनि आवेदन दिन सकिनेछ । कामनाले माघ १५ देखि चैत ५ गतेसम्म १५% हकप्रद निष्कासन गर्दा बिक्री नभएको सेयर लिलामी गर्न लागेको हो ।

प्रतिक्रिया दिनुहोस्

सम्बन्धित समाचार