बाली (अन्न) बीमाबाट साढे १३ करोड बढि प्रिमियम संकलन

Citizen Life Insurance Co

काठमाडौं, वैशाख १३ । पछिल्लो समय अन्य बीमा पोलिसी जस्तै कृषि बीमा तर्फ पनि धेरैको आकर्षण देखिएको छ । त्यसमा पनि कृषि बीमामा सरकारले अनुदान उपलब्ध गराउने भएसँगै यसतर्फ कृषक साथै बीमा कम्पनीहरुको ध्यान तानिएको देख्न सकिन्छ ।

बीमा समितिले दिएको आर्थिक वर्ष २०७४/७५ को पछिल्लो आठ महिनासम्मको तथ्यांकमा आधारित रहेर बाली बीमाको अवस्थालाई केलाउने प्रयास गरेका छौं ।

हेर्नुहोस कुन महिनामा कति–कति बीमाङ्क, बीमा शुल्क, अनुदान, दावी रकम संकलन तथा प्रदान गरेका छन् ।

बीमाङक्

बीमा समितिले तयार पारेको फागुन मसान्तसम्मको तथ्याङक अनुसार बाली (अन्न) बीमा बाट कुल १३ करोड ५१ लाख ८१ हजार ५ सय ५६ रुपैया बीमाङ्क संकलन भएको छ ।

चालु आर्थिक वर्षको पछिल्लो आठ महिनासम्मको तथ्याङ्कलाई तुलनात्मक रुपमा आकलन गर्दा सवैभन्दा बढि असोज महिनामा ६ करोड ३१ लाख ९८ हजार ४ सय २९ र सवैभन्दा कम पुस महिना ८ लाख १५ हजार ८ सय २५ रुपैया संकलन भएको छ ।

यस बीमा अन्तर्गत आर्थिक वर्ष २०७४÷०७५ सुरुवात साउन महिनामा १ करोड ५२ लाख ६२ हजार ४ सय ८, भदौ महिनामा १ करोड ७६ लाख ७६ हजार ७ सय २, कार्तिकमा २८ लाख ८० हजार, माघमा १ करोड ४ लाख ९९ हजार २ सय ९२ र फागुन महिनामा ३० लाख रुपैया संकलन भएको तथ्याङकमा उल्लेख छ ।

बीमा शुल्क

फागुनमसान्त सम्म कुल ५४ लाख २ हजार ८ सय २७ बीमा शुल्क आर्जन भएको छ । ३० र सवैभन्दा कम पुस महिनामा ४० हजार ७ सय ९१ आर्जन भएको छ । त्यस्तै आर्थिक वर्षको पहिलो साउन महिनामा ७ लाख ६३ हजार १ सय २०, भदौमा ८ लाख ८३ हजार ८ सय ३५, कार्तिक महिनामा १ लाख ४४ हजार, मसिरमा २ लाख ५ हजार ५ सय ८५, माघमा ५ लाख २४ हनार ९ सय ६५ र फागुन महिनामा १ लाख ५० हजार बीमा शुल्क आर्जन भएको छ ।

अनुदान

बाली ( अन्न) बीमा अन्तर्गत चालु आर्थिक वर्षको फागुन मसान्तसम्म कुल ४० लाख ६७ हजार १ सय २० रुपैया बरावरको अनुदान दिइएको छ । तुलनात्करुपमा मासिक तथ्याङ्क नियाल्दा सवैभन्दा बढि अनुदान असोज महिनामै २० लाख ३२ हजार ८ सय ९७ र सवैभन्दा कम पुस महिनामा ३० हजार ५ सय ९३ अनुदान दिएको तथ्याङ्कमा उल्लेख छ । त्यस्तै साउन महिनामा ५ लाख ७२ हजार ३ सय ४०, भदौ महिनामा ६ लाख ६२ हजार ८ सय ७६, कार्तिकमा १ लाख ८ हजार, मसिरमा १ लाख ५४ हजार १ सय ८८, माघमा ३ लाख ९३ हजार ७ सय २३ र फागुन महिनामा १ लाख १२ हजार ५सय अनुदान रकम दिइएको छ ।

दावी रकम

पछिल्लो आठमहिनाको तथ्याङक अनुसार कुल ३४ लाख ९२ हजार ६ सय ५१ रुपैया बाली (अन्न) बीमा दावी रकम रहेको छ । यस बीमा अन्तर्गत सवैभन्दा बढि दावी रकम भदौ महिनामा १७ लाख ६६ हजार ७३ र सवैभन्दा कम पुस महिनामा ४ हजार २ सय रुपैया रहेको छ । त्यस्तै साउन महिनामा ७ लाख ८० हजार २८, असोजमा १ लाख ४० हजार ३ सय ५०, कार्तिकमा ७ लाख ५४ हजार २ सय, मंसिर महिनामा ४० हजार ८ सय, माघ ७ हजार रुपैया छ भने फागुन महिनामा दावी रकम भने तथ्याङक्मा उल्लेख छैन ।

प्रतिक्रिया दिनुहोस्

सम्बन्धित समाचार