प्रिमियर इन्स्योरेन्सको सहयोगमा कृषि (लघु) बीमा तालिम सम्पन्न

Citizen Life Insurance Co

काठमाडौं, वैशाख १२ । प्रिमियर इन्स्योरेन्स कम्पनीको सहयोगमा ,नवलपुर जिल्लाको गैंडाकोट स्थित सहमति संस्थाको संयोजन तथा बुलिङटार गाउँपालिका र बौदिकाली गाउँपालिकाको आयोजनामा कृषि (लघु) बीमा सम्बन्धी दुईदिने प्रशिक्षण कार्यक्रम सम्पन्न भएको छ ।

दुई दिनसम्म चलेको कार्यक्रममा प्रिमियर इन्स्योरेन्स नारायाणगढ शाखाका शाखा-प्रबन्धक शंकर अधिकारीले कृषि बीमा अन्तर्गत फलफुल बाली बीमाबारे जानकारी गराउनु भएको थियो ।

कार्यक्रमको मुख्य प्रशिक्षक रहनु भएका प्रबन्धक अधिकारीले कृषि बीमा, यसबाट हुने फाइदा, फलफुल सुन्तला बीमा प्रक्रिया, महत्व र दाबीसम्बन्धी विषयमा जानकारी दिनु भएको थियो ।

गाउँ गाउँमा बीमाको जानकारी गराउने मुख्य उदेश्यका साथ कार्यक्रम आयोजना गरिएको र आगामी दिनमा पनि यस्ता कार्यक्रमको निरन्तरता दिने कम्पनीका प्रबन्धक अधिकारीले प्रतिबद्धता व्यक्त गर्नु भएको छ ।

सो अबसरमा निर्जिवन बिमा सेवा प्रदायक कम्पनी प्रिमियर इन्स्योरेन्स कम्पनीको वर्तमान स्थिति, हाल उपलब्ध गराउँदै आएका सेवाहरू र भविष्यमा प्रदान गर्ने ग्राहकमुखी सेवाहरू बारे जानकारी दिइएको थियो । कम्पनीका प्रबन्धक अधिकारीले बिमा दाबीको प्रक्रिया सरलीकृत गर्ने कम्पनीको मुख्य लक्ष्य रहेको बताउनु भएको थियो।

सो कार्यक्रमको समापन समहोरहमा बोल्दै बौदिकाली गाउँपालिका अध्यक्ष-दुर्गा बहादुर राना मगरले नवलपुर जिल्लाको दुर्गम ठाउँमा पनि प्रिमियर इन्स्योरेन्स कम्पनीको उपस्थितिले नया उत्साह थपेको बताउदै, आफ्नो गाउँपालिकालाई आर्थिक सुरक्षाको चेतनाले समाजमा आर्थिक बिकाश र समृद्धिको सहयात्रा सहज हुने बताउनु भयो ।

सोही कार्यक्रमलाई बुलिंगटार गाउँपालिकाकि उपा-अध्यक्ष मैना थापाले आयोजक तथा सहज कर्ताहरुलाई धन्यवाद दिदै, भबिष्यमा पनि यस्ता कार्यक्रम को निरन्तरता मा जोड दिनु भयो।

प्रतिक्रिया दिनुहोस्

सम्बन्धित समाचार