तोकिएकै समयमा चुक्तापुँजी पुर्याउने सुर्या लाइफको प्रतिवद्धता, बार्षिकोत्सवमा गर्यो सामाजिक कार्य

Citizen Life Insurance Co

काठमाडौं, वैशाख १२ । सुर्या लाइफ इन्स्योरेन्स कम्पनीले बीमा समितिले दिएको समयावधिमा नै चुक्तापूँजी पुर्याउने प्रतिबद्धता व्यक्त गरेको छ ।

आफ्नो ११ औं वाषिकोत्सवको अवसरमा विभिन्न सामाजिक कार्य समेत गरेको कम्पनीले सोही अवसरमा २०७५ को असार मसान्तसम्ममा २ अर्ब चुक्तापूँजी पुर्याउने प्रतिबद्धता जनाएको हो ।

कम्पनीले वार्षिकोत्सवको अवसरमा चेतनामूलक एवम् सामाजिक उत्तरदायित्व अन्तर्गत विभिन्न कार्यक्रम गरेको छ । पहिलो चरणमा बीमासम्बन्धी जनचेतना जगाउने उद्देश्यले केन्द्रीय कार्यालय ज्ञानेश्वरदेखि किरातेश्वर महादेवसम्म प्रभातफेरी तथा मन्दिर सरसफाइ कार्यक्रम गरेको कम्पनीले जनाएको छ ।

त्यसैगरी सुर्या लाईफले नयाँ बानेश्वरस्थित निःसहाय सेवा सदनमा रहेका ज्येष्ठ नागरिकलाई खाद्यान्न तथा फलफूल वितरण गरेको बताइएको छ । यस्तै, जोरपाटीमा रहेको अपाङ्ग पुनःस्थापना केन्द्रमा अध्ययनरत ४० विद्यार्थीलाई शैक्षिक सामग्री वितरण गरेको कम्पनीले बताएको छ ।

हाल सूर्या लाइफले देशभरका ७२ शाखाबाट १० प्रकारका जीवन बीमा सेवा प्रदान गर्दै आएको छ ।

प्रतिक्रिया दिनुहोस्

सम्बन्धित समाचार