काठमाडौं, वैशाख १२ । नेको इन्स्योरेन्स कम्पनीको करिब १ लाख कित्ता सेयर लिलामीमार्फत बिक्री हुने भएको छ ।
कम्पनीको हकप्रदमा नबिकेको ४ हजार ६३ कित्ता संस्थापक सेयर र ९५ हजार ८८५ कित्ता साधारण सेयर लिलामीमा बिक्री हुन लागेको हो । नेको इन्स्योरेन्सको सेयर लिलामीमा खरिद गर्न चाहने लगानीकर्ताले बैशाख १९ देखि २६ गतेसम्म सिलबन्दी बोलपत्र भर्नुपर्ने छ ।
बोलपत्र कम्पनीको सेयर बिक्री प्रबन्धक एनएमबि क्यापिटल नागपोखरी, एनएमबि बैंक बिराटनगर, वीरगन्ज, बुटवलपोखरा, नेपालगन्ज, सुर्खेत र धनगढीको शाखाबाट भर्न सकिने कम्पनीले जनाएको छ ।
