कारोबार डेढअर्ब नाघ्दा परिसुचक दोहोरो अंकले झर्यो

Citizen Life Insurance Co

काठमाडौं, वैशाख १० । साताको दोस्रो दिन सोमबार सेयर बजार परिसुचक नेप्से दोहोरो अंकले घटेको छ । परिसुचक दोहोरो अंकले झर्दा सेयर कारोबार भने नयाँ उचाई बनाउँदै गएको छ ।

आइतबार ५० अंकले उकालो लागेको बजार सोमबार २७ दशमलज ६४ अंकले घटेर १ हजार ४ सय १० दशमलव ८५ को बिन्दुमा पुगेको छ ।

यता, परिसुचक दोहोरो अंकले झर्दा कारोबार रकम डेढ अर्बमाथि पुगेको छ । पछिल्लो पटक दैनिकजसो अर्बभन्दा माथिको सेयर किनबेच भएको बजारमा सोमबार १७० कम्पनीको १ अर्ब ५१ करोड ९९ लाख ४२ हजार ८१५ रुपैयाँको सेयर खरिदबिक्री भएका छन् ।

फेरियो बजारको रंग

नयाँ वर्ष २०७५ यता लगातार हरियाली छाएको बजारमा सोमबार भने बजार राताम्मे भएको छ । यसदिन कारोबारमा आएका सबै समूह घटेका छन् । जसमध्ये बीमा समूह सबैभन्दा बढी ८८ दशमलव ४४ अंकले घटेको छ । त्यस्तै होटल समूह ७८ दशमलव ७८ अंकले घटेको छ । जलविद्युत ५४ दशमलव ७३ अंक, बैंकिङ २५ दशमलव १६ अंक, लघुवित्त ३० दशमलव ७८ अंक, उत्पादन तथा प्रशोधन समूह २९ दशमलव ०८ अंक, फाइनान्स ९ दशमलव ५९ अंक, ट्रेडिङ ५ दशमलव ९९ अंक र अन्य समूह १६ दशमलव ७७ अंकले घटेका छन् ।

१४५ कम्पनीका लगानीकर्ताले गुमाए

सोमबार बजार दोहोरो अंकले झर्दा १४५ कम्पनीका लगानीकर्ताले गुमाएका छन् । जसमध्ये राधी विद्युत कम्पनीका लगानीकर्ताले सर्वाधिक गुमाएका छन् । कम्पनीको सेयर मूल्य ६ दशमलव ६९ प्रतिशतले झरेको छ । त्यस्तै तारागाउँ रिजेन्सीको सेयर मूल्य ६ दशमलव ३६ प्रतिशतले घटेको छ ।

यसदिन सर्बाधिक कमाउनेमामा भने स्वदेशी लघुवित्त वित्तीय संस्थाका लगानीकर्ता रहेका छन् ।कम्पनीको सेयर मूल्य ९ दशमलव ९५ प्रतिशत अर्थात प्रतिकित्ता ११६ रुपैयाँ बढेको छ । त्यस्तै मिसन डेभलपमेन्ट बैंकको सेयर मूल्य पनि ९ दशमलव ५७ प्रतिशतले बढेको छ ।

प्रतिक्रिया दिनुहोस्

सम्बन्धित समाचार