सर्वसाधारणका लागि रैराङ हाइड्रोपावरको ८ करोड ४० लाखको आईपीओ आउने

Citizen Life Insurance Co

काठमाडौं, वैशाख ९ । रैराङ हाइड्रोपावर डेभलपमेन्ट कम्पनीले ८ करोड ४० लाख रुपैयाँ बराबरको साधारण सेयर आईपिओ निष्कासन गर्ने भएको छ ।

आईपीओ निष्कासनका लागि कम्पनीलाई नेपाल धितोपत्र बोर्डले अनुमति प्रदान गरेको छ । कम्पनीले १०० रुपैयाँ अंकित मूल्यमा ८ करोड ४० लाख रुपैयाँ बराबरको ८ लाख ४० हजार कित्ता आइपिओ बिक्री गर्ने भएको हो ।

गत जेठमा आयोजना प्रभावित पाँचथर र ताप्लेजुङका स्थानीयबासीका लागि ५ लाख ६० हजार कित्ता आइपीओ जारी गरेर बाँडफाँड समेत गरिसकेको रैराङले अहिले कर्मचारी र सर्वसाधारणका लागि सेयर जाी गर्ने भएको हो ।

कम्पनीको सेयर बिक्री तथा निष्काशन तथा तथा बिक्री प्रबन्धकमा एनआईबीएल एस क्यापिटल लिमिटेड रहेको छ ।

कम्पनीले धादिङमा ५०० किलोवाट क्षमताको रैराङ जलविद्युत आयोजना सम्पन्न गरी हाल ताप्लेजुङमा रहेको ९.९ मेगावाटको इवाखोला आयोजना निर्माण गरिरहेको छ । कम्पनीको मुख्य प्रवद्र्धक २.४ मेगावाटको रिडी हाइड्रोपावर डेभलपमेन्ट कम्पनी लिमिटेड रहेको छ ।

प्रतिक्रिया दिनुहोस्

सम्बन्धित समाचार