प्रिमियम संकलनमा जीवन बीमाको ८७ प्रतिशत हिस्सा

Citizen Life Insurance Co

काठमाडौं, वैशाख ५ । नेपालको बीमा व्यवसायमा निर्जीवन बीमाको तुलनामा जीवन बीमा गर्नेको संख्या उच्च रहेको छ । बीमा समितिले दिएको पछिल्लो तथ्यांक अनुसार बीमा कम्पनीहरुले आर्जन गरेको कुल बीमा शुल्क मध्ये जीवन बीमाको मात्रै ८६ दशमलव ८० प्रतिशत हिस्सा रहेको देखिएको छ ।

तथ्यांक अनुसार १६ जीवन बीमा कम्पनीले ८० अर्ब ७९ करोड १६ लाख रुपैयाँ बीमा शुल्क आर्जन गरेका छन् । बीमा कम्पनीहरुले २१ लाख ८४ हजार ३ सय ९१ बीमालेखबाट उक्त बीमा शुल्क आर्जन गरेका हुन् ।

त्यस्तै यो अवधिमा निर्जीवन बीमा कम्पनीले भने जम्माजम्मी १२ अर्ब २८ करोड ७२ लाख रुपैयाँ बीमा शुल्क आर्जन गरेका छन् । निर्जीवन बीमा कम्पनीहरुले ११ लाख ८२ हजार ३ सय ८८ बीमा लेखबाट उक्त रकम बराबरको प्रिमियम संकलन गरेका हुन् ।

नेपालमा जीवन बीमा कम्पनी १८ तथा निर्जीवन बीमा कम्पनी १७ गरी कुल ३५ बीमा कम्पनीहरू सञ्चालनमा रहेका छन् । जसमध्ये जीवन बीमा तर्फ रिलायन्स लाईफ इन्स्योरेन्स र राष्ट्रिय बीमा संस्थानको तथ्यांक उपलब्ध छैन् । त्यस्तै निर्जीवन बीमा तर्फ सगरमाथा इन्स्योरेन्स, प्रभु इन्स्योरेन्स र राष्ट्रिय बीमा कम्पनीको तथ्यांक प्राप्त भएको छैन् ।

प्रतिक्रिया दिनुहोस्

सम्बन्धित समाचार