सिद्धार्थ इन्स्योरेन्सको हकप्रदले कति पायो इक्रा रेटिङ ?

Citizen Life Insurance Co

काठमाडौं, वैशाख ३ । सिद्धार्थ इन्स्योरेन्स लिमिटेडले १० बराबर ३.५ को अनुपातमा हकप्रद सेयर निष्कासन गर्ने भएको छ । कम्पनीले २२ करोड ४४ लाख ९७ हजार ३५० रुपैयाँको २२ लाख ४४ हजार ९७३.५० कित्ता सेयर निष्कासन गर्ने भएको हो ।

कम्पनीको शेयरलाई इक्रा नेपालले ग्रेड थ्रि प्लस रेटिङ प्रदान गरेको छ । सिद्धार्थ इन्स्योरेन्सले पाएको रेटिङले कम्पनीको समग्र अवस्था औसत रहेको संकेत गर्छ । यो वर्गभित्रमा कम्पनी माथिल्लो तहमा रहेको यसले संकेत गर्छ । इक्राले कम्पनीको वर्तमान र भावी सम्भावनाको आधारमा १ देखि ५ सम्मको रेटिङ प्रदान गर्छ । १ रेटिङले उत्कृष्ट र ५ रेटिङले कम्पनी कमजोर रहेको देखाउँछ ।

५३ करोड ४५ लाख १७ हजार ५०० रुपैयाँ चुक्ता पूँजी रहेको इन्स्योरेन्सको गत आवको मुनाफाबाट २० प्रतिशत बोनस वितरण पश्चात चुक्ता पूँजी ६४ करोड १४ लाख २१ हजार रुपैंया पुगेको छ ।

उक्त पूँजीको ३५ प्रतिशत हकप्रद निष्काशन पश्चात कम्पनीको चुक्ता पूँजी ८६ करोड ५९ लाख १८ हजार रुपैंया पुग्नेछ ।

सिद्धार्थको शेयर निष्कासन तथा बिक्री प्रबन्धकमा एनएमबि क्यापिटल लिमिटेड रहेको छ ।

प्रतिक्रिया दिनुहोस्

सम्बन्धित समाचार