लगानीकर्तालाई आशा जगाएर बन्द भयो बजार

Citizen Life Insurance Co

काठमाडौं, वैशाख २ । वर्षको पहिलो दिनको कारोबारमा लगानीकर्तालाई आशा जगाएर नै नेप्से परिसुचक बन्द भएको छ । नेप्से उतारचढावका बीच वर्षको पहिलो दिन आइतबार शेयर बजार परिसुचक नेप्से २ दशमलव ६० अंकले बढेर १ हजार २ सय ८० दशमलव १५ को बिन्दुमा बजार बन्द भएको छ ।

८३ अंकले बढ्यो बीमा समूह

कारोबारमा आएका नौ समूहमध्ये पाँच समूह सकारात्मक देखिएसँगै समग्र बजार पनि बढेको छ । यसदिन बीमा, होटल, विकास बैंक, लघुवित्त र अन्य समूह बढेका छन् । जसमध्ये बीमा समूह सबैभन्दा बढी ८३ दशमलव ८४ अंकले बढेको छ । त्यस्तै होटल समूह २२ दशमलव ४१ अंकले, लघुवित्त समूह ११ दशमलव ७४ अंकले, विकास बैंक समूह १ दशमलव ३६ अंकले र अन्य समूह ५ दशमलव २९ अंकले उकालो लागेको छ ।

त्यस्तै बैंकिङ, जलविद्युत, फाइनान्स र उत्पादन तथा प्रशोधन समूह भने घटेका छन् ।

नेप्से परिसुचकमा सामान्य वृद्धि हुँदा कारोबार रकम भने घटेको छ । यसभन्दा अघि बिहीबार ४३ करोड रुपैयाँको शेयर किनबेच भएको बजारमा यसदिन १५९ कम्पनीको ३० करोड ३१ लाख रुपैयाँको शेयर खरिदबिक्री भएका छन् । जसमध्ये गुराँस लाईफ इन्स्योरेन्सको सबैभन्दा बढी १ करोड ४२ लाख रुपैयाँ शेयर कारोबार भएको छ । त्यस्तै नबिल बैंक, साना किसान विकास बैंक, प्रिमियर इन्स्योरेन्सको १ करोडभन्दा बढीको शेयर किनबेच भएको छ ।

आज सर्बाधिक कमाउनेमा कर्पोरेट डेभलपमेन्ट बैंकका लगानीकर्ता रहेका छन् । कम्पनीको ६ दशमलव ७८ प्रतिशत शेयर मूल्य बढेको छ । त्यस्तै सबैभन्दा बढी गुमाउनेमा नेपाल लाईफ इन्स्योरेन्सको संस्थापक शेयर लगानीकर्ता रहेका छन् ।

प्रतिक्रिया दिनुहोस्

सम्बन्धित समाचार