एशियन लाइफ इन्स्योरेन्सको १० वर्ष पुरा, ४ लाख बढि बिमित, यस्तो छ १० वर्षको सफलता

Citizen Life Insurance Co

काठमाडौं, चैत्र २१ । एशियन लाईफ इन्स्योरेन्स कम्पनी लि. बीमा ऐन २०४९ अर्न्तर्गत बीमा समितिबाट २०६४ फागुन १५ गते बीमकको रुपमा इजाजतपत्र प्राप्त गरी २०६४ चैत्र २१ गतेदेखि संचालनमा आएको जिबन बिमा कम्पनी हो । एशियन लाइफ इन्स्योरेन्स कम्पनीले स्थापनाको १० वर्ष पुरा गरेको छ । यस अवधिमा कम्पनीले अवधिमा एतिहासिक सफलतामुलक कार्य गरेको छ ।

कम्पनीका संस्थागत संस्थापक शेयरधनीहरु मा महालक्ष्मी विकास बैंक र गुहेश्वरी मर्चेन्ट बैंक एण्ड फाइनान्स लिमिटेड रहेका छन्, संचालक समितिका सदस्यहरु र अन्य व्यक्तिगत लगानीकर्ताहरु अन्य पेशा तथा व्यवसाय जस्तै : बैंकहरु बीमा कम्पनीहरु, बित्तीय संस्थाहरु, प्राइभेट संस्थाहरु आदिमा नेतृत्वदायी भुमिका निवार्ह गरिसकेका कुशल व्यक्तिहरु रहेका छन् । केही शेयरधनीहरु सरकारी सेवामा उच्च तहमा काम गरिसकेका व्यक्तिहरु रहेका छन् ।

कम्पनीको स्थापनाकाल देखिनै कम्पनीले बीमितको सन्तुष्टिलाई बिषेश ध्यान दिदै आएको कम्पनीले पेशागत तवरबाट बीमा व्यवसाय संचालन गर्न र सबै किसिमका ग्राहक वर्गहरुलाई उचित तवरले व्यवहार गर्न तथा उच्चतम सेवा प्रदान गर्न आवश्यक आधुनिक प्रविधियुक्त रहेको जनाएको छ।

कम्पनीले फ्रान्स स्कोर ग्लोबल लाइफसंग पूनर्बीमा गरेको छ । उक्त पूनर्बीमक आर्थिक रुपले सवल र अन्तराष्ट्रिय स्तरमा परिचित छ ।

कम्पनी यस अवधिमा आइपुग्दा हाल अधिकृत पुँजी २ अर्व, लगानी ११ अर्व २५ करोड रहेको छ । फागुनमसान्तसम्मको तथ्याङकमा ६९ हजार अभिकर्ता संख्या, ४ लाख ४ हजार ४ सय बिमित संख्या रहेको कम्पनीको ११ अर्व ३२ करोड जीवन विमा कोष रहेको छ ।

नेपालको ६८ जिल्लामा ३२ शाखा र ६८ उपाशाखा रहेका कम्पनीले जनाएको छ । ८०.५५ करोड (५० प्रतिशत हकप्रद शेयर पश्चात हुने चुक्ता पुँजी रु १ अर्व २० करोड) र हाल ५० प्रतिशत हकप्रद शेयर जारी भईरहेको छ ।

सफलतामुलक १० वर्ष पार गर्नका लागि समस्त ग्राहक वर्ग, अभिकर्ता, कर्मचारी, शेयरधनिहरु तथा नियामक निकायहरु, बिमा समिति, धितोपत्र वोर्ड,कम्पनी रजिष्टरको कार्यालय लगायतको धन्यवाद व्यक्त गरेको छ । साथै आगामी दिनमा अझै प्रभावकारी रुपमा सुलभ, सरल र अत्याधुनिक सेवा विस्तारका लागि प्रतिवद्धता व्यक्त गरेको छ ।

प्रतिक्रिया दिनुहोस्

सम्बन्धित समाचार