नेपालबाट अर्बपतिको सूचीमा पर्ने एकमात्र व्यवसायी विनोद चौधरी फोब्र्सको सूचिमा २ स्थान माथि

Citizen Life Insurance Co

काठमाण्डौ । उद्योगपति विनोद चौधरी फोब्र्सको अर्बपति सूचिको २ स्थान माथि उक्लिएका छन्। फोब्र्सले मंगलबार सार्वजनिक गरेको विश्वका डलर अर्बपतिहरुको नयाँ सूचिमा विनोद चौधरी गत वर्षको तुलनामा २ स्थान माथि उक्लिएका हुन् ।

उद्योगपति विनोद चौधरी फोब्र्सको अर्बपति सूचिको गतवर्षको फोब्र्सको अर्बपति सूचिमा उनी १५६३ औं स्थानमा थिए भने यो वर्ष उनी १५६१ स्थानमा उक्लिन सफल भएका हुन् ।

गत वर्षको १.३१ अर्ब डलर सम्पत्ति रहेकोमा यो वर्ष भने उनले सम्पत्ति बढाएर १.५ अर्ब पुर्याएका छन् । यो हिसाबले एकवर्षको अवधिमा विनोद चौधरीको सम्पत्ति १९ अर्ब ७६ करोड रुपैयाँले वृद्धि भएको छ ।

विनोद चौधरी चर्चित व्यावसायिक घराना चौधरी समूहका अध्यक्ष हुन् । चौधरी परिवार सन् २०१३ देखि फोब्र्सको अर्बपति सूचीमा पर्दै आएको छ । नेपालबाट अर्बपतिको सूचीमा पर्ने चौधरी एकमात्र व्यवसायी हुन् ।

डलर अर्बपति चौधरीको बैंक, इन्स्योरेन्स, फुड, इलेक्ट्रोनिक, बियर, होटेल, सिमेन्ट, हाइड्रो, शिक्षा लगायतका क्षेत्रमा लगानी छ । चौधरीले सबैभन्दा बढी सफलता पाएको वाइवाइ चाउचाउ र हस्पिटालिटी बिजनेसमा हो । उनी वाइवाइ र होटेलको विश्वव्यापी विस्तारमा लागेका छन् । वाइवाइ र होटेलको विश्वव्यापी विस्तारले नै उनलाई फोब्र्सको अर्बपत्ति सूचीमा उभ्याएको हो ।

चौधरी समूहको सबैभन्दा चर्चित र सफल ब्रान्ड वाइवाइ हाल युरोपेली मुलुक सर्बियाबाट उत्पादन सुरु भएको छ । युरोपबाट उत्पादन सुरु गर्ने वाइवाइ सम्भवतः पहिलो नेपाली ब्रान्ड हो । नेपाल र भारतमा बजार पिटिरहेको वाइवाइ विश्वका तीन दर्जन मुलुकमा पुग्छ । निकट भविष्यमा साउदी अरेबिया र बंगलादेशमा पनि वाइवाइ उत्पादन हुँदैछ ।

एसिया, मध्यपूर्व, युरोप, अफ्रिका, ल्याटिन अमेरिकामा प्लान्ट खोलेर वाइवाइ संसारभर फैलाउने अभियानमा चौधरी छन् । सन् २०२० सम्म वाइवाइको उत्पादन वार्षिक पाँच अर्ब प्याकेट पुत्वयाएर विश्व चाउचाउ बजारमा पाँच प्रतिशत हिस्सा पुत्वयाउने अभियान छ । अहिले वाइवाइको विश्वमा २.५ प्रतिशत हिस्सा पुगिसकेको छ ।

 

हस्पिटालिटी बिजनेसमा पनि उत्तिकै चम्किएका छन् । नेपाल, भारत, श्रीलंका, माल्दिभ्स, अमेरिका, चीन, अफ्रिका लगायतका मुलुकमा उनका दर्जनौं लक्जरी होटेल तथा रिसोर्ट सञ्चालनमा छन् । गत वर्षमात्र नेपालको चितवनस्थित मेघौलीमा लक्जरी सफारी रिसोर्ट मेघौली सेराइ सञ्चालनमा आएको छ । यसको व्यवस्थापन भारतको प्रख्यात होटेल÷रिसोर्ट ब्रान्ड ताजले सम्हालेको छ । ताज समूहअन्र्तगतको ताज सफारी ब्रान्डमा चौधरी ५० प्रतिशत हिस्सेदार छन् । उनका धेरै लक्जरी होटेल सञ्चालनको तयारीमा छन् । वाइवाइ र होटेललाई विश्वभर विस्तार गर्ने उनको अभियान छ ।

उद्योगपति विनोद चौधरी व्यापार मात्र नभएर, राजनीति र समाज सेवा मा सक्रिय छन्, हाल उनी नेपाली काँग्रेसको समानुपातिक कोटा बाट संघिय संसद पनि हुन्  ।

प्रतिक्रिया दिनुहोस्

सम्बन्धित समाचार