काठमाडौं, चैत्र १३ । चिनियाँ स्मार्टफोन मेकर कम्पनी भिभोले नेपाली बजारमा आफ्नो पछिल्लो फ्ल्यागशिप फोन भिभो-भि ९(VIVO V9) सार्वजनिक गर्ने तयारी गरेको छ । कम्पनीले यहि अप्रिल १ तारिख अर्थात चैत १८ गते आइतवार भिभो भि नाइन नेपालमा उपलब्ध भएको घोषणा गर्दैछ ।
कम्पनीले पछिल्लो दिनमा अन्तर्राष्ट्रिय बजारमा समेत चर्चा कमाएको भिभो भि नाइन नेपालमा ल्याउने तयारी जोडतोडले गरिरहेको छ । यो फोनको लागि कम्पनीले करिब १ सातासम्म प्रि बुकिंग समेत गराउने भएको छ । भिभो भि नाइनको प्रि बुकिंग कम्पनीले बुधवारदेखि शुरु गर्न लागेको छ ।
सो फोनको प्रि बुकिंग बुधवार चैत १४ गतेदेखि भएपनि फोन भने अप्रिलको पहिलो सातामा मात्र उपलब्ध हुने कम्पनी स्रोतले जानकारी दिएको छ ।
त्यसैगरि कम्पनीले भिभो भि नाइनको लागि विशेष प्रबद्र्धनको तयारी गरेको बताईएको छ । ‘यो फोन बजारमा निकै चर्चामा रहेको र बिक्री हुनसक्ने देखेर कम्पनीले यसलाई विशेषरुपमा ध्यान दिने योजना लिएको छ,’ कम्पनी स्रोतले भन्यो ।
यसको लागि कम्पनीले आफ्ना शोरुमहरु राखिएको स्थानलाई भि नाइनको लागि विशेषरुपमा सजाउन शुरु गरिसकेको छ । नेपाली बजारमा माथिल्लो श्रेणीको फोनको रुपमा आउन लागेको भिभो भि नाइनको माग यसको मूल्यको आधारमा हुनेछ । जसको लागि कम्पनीले अन्य ब्राण्डसँग सिधै प्रतिस्पर्धा गर्नेगरि मूल्य तोक्ने योजना राखेको छ ।
कम्पनी स्रोतकाअनुसार यो फोनको मूल्य ४० हजार रुपैयाँ भन्न कम हुनेछ । तर ४० हजार मूल्यमा कम्पनीले भिभो भि नाइन बिक्री सकिन्छ की सकिँदैन भनेर कम्पनी भित्रै छलफल भईरहेको स्रोतको दाबी छ ।
भिभो भि नाइन विश्व बजारमा भने यसको डिस्प्ले भित्र राखिएको फिंगरप्रिन्टको कारण निकै चर्चामा रहेको छ । विश्वको पहिलो डिस्प्ले मुनी फिंगरप्रिन्ट भएको स्मार्टफोनको रुपमा चिनिने भिभो भि नाइनमा १९ः९ एस्पेक्ट रेसियोका साथ ६.३ इन्चको फुल एचडी प्लस आईपीएस फुल भ्यू डिस्प्ले रहेको छ । फोनमा ४ जीबी र्यामका साथमा ६४ जीबीको आन्तरिक स्टोरेज छ ।
भिभो भि नाइनमा अक्टाकोर क्वालकम स्न्यापड्रागन ६२६ प्रोसेसर राखिएको छ भने फोटोका लागि ड्यूल रियर क्यामरा सेटअप रहेको छ । १६ मेगापिक्सेल र ५ मेगापिक्सेलको रियर क्यामरामा एआई प्रविधिको सहयोगबाट तस्वीरलाई आकर्षक बनाउन सकिने बताईएको छ ।
त्यसैगरि फोनमा सेल्फीका लागि २४ मेगापिक्सेलको फ्रन्ट क्यामरा राखिएको छ । एन्ड्रोयड ओरियो ८.० भर्सनमा आधारित फनटच ४.० मा संचालन हुने यो फोनमा ३२६० एमएएचको ब्याट्री प्याक छ । (source:-mobileskhabar/com)
