शिखर इन्स्योरेन्सको लाभांश घोषणा, २९ प्रतिशत बोनस र शेयर कर प्रयोजनार्थ १.५२ प्रतिशत नगद लाभांश

काठमाडौँ।शिखर इन्स्योरेन्स कम्पनीले गत बर्षको मुनाफाबाट लाभांश घोषणा गरेको छ। कम्पनीले २९ प्रतिशत बोनस शेयर र उक्त बोनस शेयरको कर प्रयोजनार्थ १.५२ प्रतिशत नगद लाभांश दिने जनाएको छ।

कम्पनीले गत बर्ष ६३.१५ प्रतिशत लाभांश दिएको थियो। हाल कम्पनीको चुक्ता पूँजी ८१ करोड ७६ लाख रुपैयाँ रहेको छ। कम्पनीले गत बर्ष ३७ करोड रुपैयाँ खुद मुनाफा आर्जन गरेको थियो।