काठमाडौं । रसुवामा आएको विनाशकारी बाढीबाट ज्यान गुमाएका १७७ जनाको शव फेला परेको छ।
नेपाल प्रहरीले सार्वजनिक गरेको तथ्यांकअनुसार चितवनमा मात्रै ६९ जनाको शव फेला परेको छ। धादिङमा २७ जना, नवलपरासी पूर्वमा ३२ जना, गोरखामा २० जना, नुवाकोटमा १२ जना, तनहुँमा ९ जना, नवलपरासी पश्चिममा ६ जना र रसुवा २ जनाको शव फेला परेको छ।
प्रहरीका अनुसार हाल विभिन्न अस्पतालमा ३३ जना घाइते उपचाररत छन्। घाइतेमध्ये १९ जनाको त्रिवि शिक्षण अस्पतालमा, ८ जनाको ट्रमा सेन्टरमा, वीर अस्पताल र नर्भिक अस्पतालमा २–२ जनाको तथा वीरेन्द्र सैनिक अस्पताल र मनमोहन अस्पतालमा १–१ जनाको उपचार भइरहेको छ।
विनाशकारी बाढीबाट प्रभावित क्षेत्रमा उद्धारका लागि ३ हजार ३१८ जना प्रहरी परिचालित छन्। हालसम्म २८ जना प्रहरी कर्मचारी सम्पर्कमा आएका छैनन्।
