काठमाडौं । रसुवामा आएको विनाशकारी बाढीबाट ज्यान गुमाएका १६२ जनाको शव फेला परेको छ।
नेपाल प्रहरीले सार्वजनिक गरेको तथ्यांकअनुसार चितवनमा मात्रै ६४ जनाको शव फेला परेको छ। धादिङमा २७ जना, नवलपरासी पूर्वमा २६ जना, गोरखामा २० जना, नुवाकोटमा १२ जना, तनहुँमा ९ जना तथा रसुवा र नवलपरासी पश्चिममा २–२ जनाको शव फेला परेको छ।
प्रहरीका अनुसार हाल विभिन्न अस्पतालमा ४१ जना घाइते उपचाररत छन्।
विनाशकारी बाढीबाट प्रभावित क्षेत्रमा उद्धारका लागि ३ हजार ३१८ जना प्रहरी परिचालित छन्। हालसम्म बेखबर बनेका २८ जना प्रहरी कर्मचारी सम्पर्कमा आएका छन्।
