काठमाडौं । बीपी राजमार्गमा आज असार ६ गतेबाट १५ दिनसम्म साँझदेखि बिहानसम्म यात्रुवाहक सवारी सञ्चालनमा निषेध गरिएको छ।
जिल्ला प्रशासन कार्यालय सिन्धुलीले आज एक सूचना जारी गर्दै बीपी राजमार्गको खुर्कोटबाट काठमाडौंतर्फ जारी सार्वजनिक तथा निजी यात्रुवाहक सवारीसाधन साँझ साढे ६ बजेदेखि बिहान ५ बजेसम्म सञ्चालनमा रोक लगाइएको हो। हाल देशमा मनुसन सक्रिय अवस्थामा रहेकोले गर्दा कुनै पनि समयमा वर्षाका कारण विपतको अवस्था सिर्जना हुने भएकोले यो निर्णय गरिएको प्रशासनले जनाएको छ।
यो निर्णय काभ्रेपाल्चोक, सिन्धुली र रामेछापको संयुक्त सुरक्षा बैठकबाट लिइएको सूचनामा उल्लेख छ। वर्षाको बेला यात्रु तथा सवारी सुरक्षामा सतर्कता अपनाउन तीनवटै जिल्लाका प्रशासनले यस्तो निर्णय गरेका हुन्।
यसबाट यात्रुमा पर्न गएको असुविधा प्रतिशत जिल्ला सुरक्षा समिति सिन्धुलीले क्षमा याचना गरेको छ।
