काठमाडौं । ह्वाट्सएप आज सबैभन्दा शक्तिशाली कम्युनिकेसन एप हो। घरायसी कामदेखि अफिसका कामसम्म ह्वाट्सएपको सहयोगमा भइरहेको छ । तपाइँ यात्रामा जान चाहनुहुन्छ वा पार्टी गर्न चाहनुहुन्छ भने अब सम्पूर्ण योजना ह्वाट्सएपमा बनाउन सकिन्छ। यही कारण हो कि ह्वाट्सएपले आफ्ना प्रयोगकर्तालाई लगातार नयाँ अपडेट जारी गर्दछ। ता कि प्रयोगकर्तालाई ह्वाट्सएप प्रयोग गर्न सजिलो हुन्छ।
प्रयोगकर्तालाई सजिलो होस् भने ह्वाट्सएपले क्रिएट इभेन्ट फिचर ल्याइरहेको छ। यो सुविधा पहिले क्युनिटिजमा मात्र सीमित थियो। तर, अब ह्वाट्सएपले रेगुलर च्याटमा इभेन्टहरु क्रिएट गर्ने फिचरलाई रोल आउट गर्दैछ।
रेगुलर च्याटमा इभेन्ट क्रिएट गर्ने अप्सन दिइएपछि प्रयोगकर्ताहरुले कुनै पनि कार्यक्रम छुटाउन सक्ने छैनन्। साथै, जो साथीहरुले बिर्सेको बहाना बनाउँछन् र पार्टी वा बाहिर जाने योजना रद्द गर्छन्, त्यस्ताले पनि अब पार्टी र यात्रा योजनाहरु रद्द गर्न सक्ने छैनन्। किनकि इभेन्ट क्रिएट फिचरले प्रयोगकर्तालाई समय–समयमा अलर्टहरु प्रदान गरिरहनेछ।
यो फिचर गुगलको क्यालेन्डर इन्भाइट फिचरजस्तै हुनेछ। यस फिचरमा प्रयोगकर्ताले इभेन्टसँग सम्बन्धित विवरणहरु जस्तै नाम, विवरण, मिति र स्थान थप्न सक्नेछन्। साथै, प्रयोगकर्ताका साथीहरु त्यो मितिमा उपलब्ध छन् वा छैनन्। यस सम्बन्धमा आफ्नो उपस्थिति प्रस्तुत गर्न सक्ने छन्। यसमा भ्वाइस र भिडियो कल फिचर हुनेछ।
यसैगरी इभेन्टसम्बन्धी च्याटिङ फिचर प्रदान गरिनेछ। यसमा, प्रयोगकर्ताहरुले इभेन्ट इन्भाइट हेर्न र स्वीकार गर्न सक्नेछन्। साथै, इभेन्ट विवरण इडिट र अपडेट पनि गर्न सकिन्छ। यी इभेन्ट विवरण इन्ड–टु–इन्ड इन्क्रिप्टेड छन्।
यो सुविधा समूह च्याटका लागि पहिले नै उपलब्ध छ। यस्तो अवस्थामा यो फिचर प्रयोग गर्नका लागि प्रयोगकर्ताले गुगल प्ले स्टोरबाट ह्वाट्सएप अपडेट गर्नुपर्नेछ। साथै, आईओएस प्रयोगकर्ताले पनि एप अपडेट गर्नुपर्नेछ। यो सुविधा चरणबद्ध रुपमा रोल आउट हुनेछ।
