काठमाडौं । सौर्य एयरलाइन्सको विमान आज बिहान त्रिभुवन विमानस्थलमा दुर्घटनाग्रस्त भएको छ। पोखराका लागि उड्नेबित्तिकै विमान खसेर दुर्घटनाग्रस्त भएको थियो।
विमान दुर्घटनामा १८ जनाको मृत्यु भएको छ भने क्याप्टेन मनीष शाक्यलाई उद्धार गरी उपचारार्थ अस्पताल पुर्याइएको छ। दुर्घटनामा ज्यान गुमाउने सबै सौर्य एयरलाइन्सका कर्मचारी छन्।
यो दुर्घटनापछि बीमा कम्पनीले ३० करोड रुपैयाँ बढी क्षतिपूर्तिबापत दिनुपर्ने भएको छ। दुर्घटनाग्रस्त सौर्य एयरलाइन्सको जहाज र त्यसमा सवार यात्रुको बीमाबापत दाबी प्रभु इन्स्योरेन्सले तिर्नुपर्ने भएको छ। तर, नेपालमा एभिएसन इन्स्योरेन्सको रिटेन्सन एकदमै न्यून हुने भएकोले उक्त दाबीमध्ये ९९ प्रतिशत रकम विदेशी रिइन्स्योरेन्स कम्पनीले व्यहोर्नुपर्नेछ।
