काठमाडौं । नेपाल राष्ट्र बैंकले सुनचाँदी धितो कर्जामा कडाइ गरेको छ।
नेपाल राष्ट्र बैंकले बैंक तथा वित्तीय संस्थाका नाममा जारी एकीकृत निर्देशनमा संशोधन गर्दै सुनचाँदी धितो कर्जामा कडाइ गरेको हो। संशोधित निर्देशनमा सुनचाँदी धितोमा एकल ग्राहक कर्जाको सीमा ५० लाख रुपैयाँ कायम गरिएको छ। यसअघि एकल ग्राहक कर्जाको सीमा तोकिएको थिएन।
यसैगरी यसअघि प्रवाह भएको कर्जाको हकमा २०८३ असार मसान्तसम्म एकल ग्राहक कर्जा सीमा कायम गरी सक्नुपर्ने व्यवस्था राष्ट्र बैंकले गरेको छ।
