काठमाडौं । अमेरिकी कम्पनी एप्पल विश्वमा सबैभन्दा धेरै स्मार्टफोन बेच्ने कम्पनी बनेको छ।
कोरियाली ब्रान्ड सामसङलाई पछि पार्दै एप्पल विश्वमै सबैभन्दा धेरै स्मार्टफोन बेच्ने कम्पनी बनेको हो। सामसङ विगत १३ वर्षदेखि स्मार्टफोन बिक्रीमा अग्रस्थानमा थियो।
इन्टरनेसनल डाटा कर्पोरेसन (आईडीसी)का अनुसार सन् २०२३ मा विश्वको स्मार्टफोन बजारमा कुल २०.१ प्रतिशत हिस्सासहित एप्पल शीर्ष स्थानमा उक्लिएको हो। एप्पलले २३ करोड ४६ लाख स्मार्टफोन बच्दा सामसङले २२ करोड ६६ लाख वटा बेचेको थियो।
विश्व बजारमा भने सामसङको हिस्सा १९.४ प्रतिशत रहेको छ। सामसङ बजार हिस्साका आधारमा दोस्रो स्थानमा छ। सामसङपछि चिनियाँ फोन निर्माता साओमी, ओप्पो र ट्रान्सियन रहेका छन्। –एजेन्सी
