काठमाडौं । जनकपुरकाे रामानन्द चाेकस्थित जनकपुर बिग मार्टमा भएकाे भीषण आगलागीबाट करिब १० कराेड रुपैयाँ बराबरकाे धनमाल क्षति भएकाे छ। दैनिक उपभाेग्य वस्तुका साथै कपडा समेत बिक्री काराेबार गर्दै आएकाे मार्टमा विद्युत आपूर्तीमा गडबडीका कारण आगलागी भएकाे हुनसक्ने प्रारम्भिक अनुमान गरिएकाे छ।
आगलागीका कारण बिग मार्टकाे पसलमा भएका सामान मात्र नभएर पक्की भवनकाे भाैतिक संरचना पनि नराम्ररी क्षति भएकाे छ। शनिबार राति अन्दाजी १ बजेदेखि शुरू भएकाे आगलागी आइतबार बिहान सात बजे मात्र नियन्त्रणमा आएकाे थियाे ।
रायकाे टाउकाेमा सिद्धार्थ बैंक जनकपुरबाट ३ करोड ६५ लाख रुपैयाँ ऋणकाे भार समेत रहेकाे छ । व्यापारी रामबाबु रायले निजी निवास समेत रहेकाे मार्टकाे तेश्राे तल्लाबाट आफूहरुले बडाे मुश्किलले ज्यान जाेगाएकाे बताएका छन् ।
उनले आफूसँग भएकाे सबै सम्पत्ती आगलागीमा ध्वस्त भएकाले पुनः शुन्यबाट व्यापार शुरु गर्न ज्यादै गाह्राे हुने भन्दै चिन्ता जनाए। उनले बैंकबाट ऋण लिंदा बैंकले ऋण बराबरकाे सम्पत्तीकाे बीमा गरे पनि आफूले पसलकाे थप मालसामानकाे बीमा नगराएकाेमा पछुताे मान्दै थिए ।
