साइन रेसुङ्गा डेभलपमेन्ट बैंकले भार्गव विकास बैंकलाई प्राप्ती गर्ने भएको छ । साइन रेसुङ्गाले भार्गव विकास बैंकलाई प्राप्ती गर्नका लागि नेपाल राष्ट्र बैंकबाट सैद्धान्तिक सहमति पाएको छ ।
१ अर्ब ६२ करोड २६ लाख ६५ हजार रुपैयाँ चुक्ता पूँजी रहेको साइन रेसुङ्गा डेभलपमेन्ट बैंकले चालु आर्थिक वर्षकोे तेस्रो त्रैमाससम्म ३१ करोड ९ लाख ३ हजार रुपैयाँ नाफा कमाएको छ । प्रति शेयर आम्दानी २५ रुपैयाँ ५५ पैसा छ भने प्रति शेयर नेटवर्थ १ सय ३९ रुपैयाँ ५९ पैसा रहेको छ ।
यस्तै भार्गव विकास बैंकले चालु आवको दोस्रो त्रैमासको मात्रै वित्तीय विवरण सार्वजनिक गरेको छ । दोस्रो त्रैमासमा बैंकको चुक्ता पुँजी ५० करोड १६ लाख रुपैयाँ रहेको थियो । उक्त अवधिमा बैंकले ३ करोड ३१ लाख ६४ हजार रुपैयाँ नाफा आर्जन गरेको थियो । यस्तै प्रति सेयर आम्दानी १३ रुपैयाँ २२ पैसा रहेको बैंकको प्रति सेयर नेटवर्थ १ सय २४ रुपैयाँ ४४ पैसा रहेको छ ।
