काठमाडौं । सप्तकोशी डेभलपमेन्ट बैंकले आर्थिक वर्ष २०८०।८१ को अपरिष्कृत वार्षिक वित्तीय विवरण सार्वजनिक गरेको छ।
समीक्षा वर्षमा बैंकले २ करोड २५ लाख रुपैयाँ नाफा आर्जन गरेको छ। अघिल्लो वर्ष बैंकले १८ करोड ३३ लाख रुपैयाँले घाटामा थियो।
यो वर्ष बैंकको सञ्चालन मुनाफा पनि ३ करोड ३४ लाख रुपैयाँ रहेको छ। अघिल्लो वर्ष २५ करोड ६३ लाख रुपैयाँ सञ्चालन घाटा थियो।
समीक्षा वर्षमा बैंकको खुद ब्याज आम्दानी १७ करोड ९५ लाख रुपैयाँ रहेको छ। अघिल्लो वर्ष खुद ब्याज आम्दानी १८ करोड ३ लाख रुपैयाँ रहेको थियो। अघिल्लो वर्षको तुलनामा यो वर्ष खुद ब्याज आम्दानीमा ०.४१ प्रतिशतको कमी आएको छ।
आव २०८०।८१ मा बैंकको ४३ करोड ६५ लाख रुपैयाँले वितरणयोग्य मुनाफा ऋणात्मक रहेको छ। अघिल्लो वर्ष पनि वितरणयोग्य मुनाफा ४१ करोड ५३ लाख रुपैयाँले ऋणात्मक रहेको थियो।
बैंकको खराब कर्जा अनुपात (एनपीएल) घटेर ९.६८ प्रतिशत पुगेको छ। अघिल्लो वर्ष एनपीएल १२.९९ प्रतिशत थियो।
चुक्तापुँजी ८३ करोड ४३ लाख रुपैयाँ रहेको बैंकको रिजर्भमा २६ करोड १ लाख रुपैयाँ रहेको छ। अघिल्लो वर्ष रिजर्भमा २१ करोड ६१ लाख रुपैयाँ थियो। रिजर्भको आकार २०.२९ प्रतिशतले बढेको छ।
समीक्षा वर्षमा बैंकले ६ अर्ब ९४ करोड रुपैयाँ निक्षेप संकलन गरी ४ अर्ब ८ करोड रुपैयाँ कर्जा प्रवाह गरेको छ। अघिल्लो वर्षमा बैंकले ६ अर्ब ६९ लाख रुपैयाँ निक्षेप संकलन गरी ३ अर्ब ६६ करोड रुपैयाँ कर्जा प्रवाह गरेको थियो।
समीक्षा वर्षमा बैंकको प्रतिशेयर आम्दानी (ईपीएस) बढेर २.७० रुपैयाँ कायम भएको छ। अघिल्लो वर्ष ईपीएस २१.९८ रुपैयाँले ऋणात्मक थियो। पीई रेसियो १५९.३१ गुणा रहेको बैंकको प्रतिशेयर नेटवर्थ ७८.८५ रुपैयाँ रहेको छ।
