काठमाडौं । पछिल्लो समय विदेश भ्रमणमा नेपालीले रुचि बढाउँदै लगेका छन्। यही कारणले ठूलो धनराशि बाहिरिने गरेको छ।
नेपाल राष्ट्र बैंकको गत आर्थिक वर्ष २०८०।८१ को वार्षिक प्रतिवेदनले यस्तो देखाएको छ। प्रतिवेदनअनुसार गत आर्थिक वर्षमा मात्र नेपालीले विदेश भ्रमणमा १ खर्ब ८९ अर्ब ४३ करोड रुपैयाँ खर्च गरेका छन् । यो अघिल्लो वर्षको तुलनामा ३१.१ प्रतिशतले बढी हो । जसमा शिक्षातर्फ १ खर्ब २५ अर्ब १३ करोड रुपैयाँ रहेको छ। अघिल्लो वर्ष भ्रमण व्यय १ खर्ब ४४ अर्ब ५२ करोड रुपैयाँ थियो।
समीक्षा अवधिमा नेपालले भ्रमण आयतर्फ ८२ अर्ब ३३ करोड रुपैयाँ आर्जन गरेको छ । यो अघिल्लो वर्षको तुलनामा ३२.१ प्रतिशतले बढी हो । अघिल्लो वर्ष यस्तो आय ७९ अर्ब ८९ करोड रुपैयाँ रहेको थियो । यो विदेशी पर्यटकले गरेको खर्च हो।
