काठमाडौं । लक्ष्मी सनराइज बैंकको साढे ४० लाख बढी कित्ता शेयर बिक्रीमा राखिएको छ।
बैंकका संस्थापक शेयरधनीहरुको नाममा रहेको ४० लाख ६१ हजार ४२९ कित्ता संस्थापक शेयर बिक्रीमा राखिएको हो। यो शेयरमा हाललाई बैंकका विद्यमान संस्थापक शेयरधनीहरुले मात्रै खरिद निवेदन दिन पाउनेछन्।
शेयर खरिदका लागि ३५ दिनको अवधि दिइएको छ। इच्छुक विद्यमान शेयरधनीहरुले तोकिएको मितिभित्र बैंकको काठमाडौंको हात्तीसारस्थित केन्द्रीय कार्यालयमा शेयर खरिदका लागि निवेदन दिनुपर्नेछ।
तोकिएको समयावधिभित्र संस्थापक शेयरधनीहरुबाट खरिदका लागि निवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने कम्पनीले जनाएको छ।
