बैक तथा वित्तिय संस्थाहरुले नेपाल राष्ट्र बैंकका पूर्व कर्मचारीलाई नियुक्त गर्दा सजग हुनुपर्ने भएको छ । वित्तिय संस्थाले केन्द्रिय बैंकबाट अवकाश पाएका कर्मचारीलाई जागिर दिदा उनीहरुले केन्द्रिय बैंकसँग स्वीकृति लिए नलिएको एकिन गरेर मात्रै दिनुपर्ने भएको छ ।
नेपाल राष्ट्र बैंकले सोमबार जारी गरेको परिपत्र अनुसार वित्तिय संस्थाले डेपुटी गर्भनर, बैंकका कार्यकारी निर्देशक वा पूर्व अधिकृतस्तरका कर्मचारीलाई नियुक्त गर्दा राष्ट्र बैंकबाट स्वीकृति लिएको निश्चित गर्न निर्देशन दिएको हो । यस अघिको व्यवस्था अनुसार पूर्व कर्मचारीले राष्ट्र बैंकसँग स्वीकृती लिनुपर्ने प्रावधान थियो ।
राष्ट्र बैंकका कर्मचारीलाई पनि कुलिगं पिरियड
केन्द्रिय बैकले डेपुटी गर्भनर र बैंकका कार्यकारी निर्देशकलाई तीन बर्षको कुलिगं पिरियड तोकेको छ । नेपाल राष्ट्र बैक ऐन २०५८ का अनुसार बैकका अधिकृतस्तरको कर्मचारीलाई भने दुई बर्षको कुलिङ्ग पिरियडको व्यवस्था गरिएको बैंकले स्पष्ट पारेको छ ।
