काठमाडौं । कारोबार समयमा लाभांश घोषणासम्बन्धी निर्णय पठाएको भन्दै नेपाल स्टक एक्सचेन्ज (नेप्से)ले मैलुङ्ग खोला जलविद्युत कम्पनीमाथि कारबाही गरेको छ। नेप्से मैलुङ्ग खोला जलविद्युतको शेयर कारोबार रोक्का गर्दा स्पष्टीकरण पेस गर्न निर्देशन दिएको हो।
यो कमपनीले आर्थिक वर्ष २०७९/८० का लागि लाभांश घोषणासहित वार्षिक साधारणसभासम्बन्धी सूचना आज एउटा पत्रिकामा प्रकाशित गरेको थियो। तर, नेप्सेमा नोट्समार्फत भने कम्पनीले बिहान ११ः१७ बजे पठाएको थियो। बिहान ११ बजेबाट शेयर कारोबार खुल्ने हुँदा कारोबार समयमा बजार र शेयरमूल्यलाई प्रभावित पार्ने खोले सूचना वा निर्णय पठाउन नपाइने व्यवस्था रहेको छ।
सोही व्यवस्था उल्लंघन गरेकोमा नेप्सेले मैलुङ्ग खोला जलविद्युतमाथि कारबाही गर्दै शेयर कारोबार रोक्का गरेको हो। योसँगै नेप्सेले ३ कार्यदिनभित्र के–कति कारणले समयमै जानकारी दिन नसकेको हो भन्ने विषयमा स्पष्टीकरण पठाउन पनि कम्पनीलाई निर्देशन दिएको छ।
