काठमाडौं । भारतमा थप १९ वटा कम्पनी निर्जीवन बीमा कम्पनीको लाइसेन्सको पर्खाइमा रहेका छन्। भारतको बीमा नियामक आईआरडीएआईले अहिले ती कम्पनीहरुको आवेदन परीक्षण गरिरहेको छ।
हाल ती कम्पनीहरुको आवेदन परीक्षण प्रक्रिया विभिन्न चरणमा रहेको आईआरडीएआईले जनाएको छ। तीमध्ये नारायण हेल्थ इन्स्योरेन्सको आवेदनमात्र परीक्षणको दोस्रो अर्थात आर–२ चरणमा पुगेको छ।
त्यस्तै १२ वटा कम्पनीमा आवेदन आर–१ चरणमा पुगेको छ। बाँकी ६ वटाको प्रक्रिया नो अब्जेक्सन सर्टिफिकेट (एनओसी) चरणमा छन्।
एनओसी आवेदकलाई कम्पनीको रजिस्ट्रारसँग त्यसको नाममा ‘बीमा’ शब्दका साथ प्रस्तावित कम्पनीको समावेशका लागि आवेदन दिन सक्षम पार्ने एकमात्र उद्देश्यका लागि जारी गरिन्छ।
नियामकका अनुसार भारतीय बीमा कम्पनीका रुपमा दर्ता प्रमाणपत्रका लागि आवेदकले तीन चरण पार गर्नुपर्ने हुन्छ। आर–१ पहिलो चरण हो। जहाँ आवेदन नोडल विभागहरुद्वारा जाँच गरिन्छ। दोस्रो चरणमा आर–२ हो। जहाँ कम्पनीको शेयर होल्डिङ ढाँचा, बिक्री गरिएका उत्पादन, व्यवस्थापनको व्यावसायिक अनुभवलगायतका विषयहरु जाँच गरिन्छ।
यी चरणमा आईआरडीएआईले पेस गरिएका कागजातमाथि आवश्यक प्रमाण तथा स्पष्टीकरण खोज्न सक्छ र सोहीबमोजिम अनुपालन सुनिश्चित गर्न सल्लाह दिन सक्छ। आर–३ चरणमा दर्ताको प्रमाणपत्रका लागि अनुरोध गरिएको छ।
आईआरडीएआई ‘२०४७ सम्म सबैका लागि बीमा’ अभियानका लागि प्रतिबद्ध छ। यो लक्ष्य प्राप्तिका लागि थप बीमा कम्पनीहरु आवश्यक हुन्छ। हाल भारतीय बजारमा जनरल इन्स्योरेन्सको उपस्थिति १ प्रतिशतमात्र रहेको छ। –एजेन्सी
