काठमाडौं । विश्वको दोस्रो ठूलो मूल्यवान कम्पनी माइक्रोसफ्टले भारतमा ठूलो जग्गा सम्झौता गरेको छ।
स्क्वायर यार्ड्सका अनुसार माइक्रोसफ्टले हिन्जबडी पुणेमा भारु ५ अर्ब १९ करोड ७२ लाखमा जग्गा खरिद गरेको हो। पुणे भारतको प्रमुख आईटी हबमा समावेश छ। हालै वर्षहरुमा माइक्रोसफ्टले भारतको व्यावसायिक घरजग्गा क्षेत्रमा लगानी बढाएको छ।
कम्पनीको भारतमा धेरै डाटा केन्द्र, विकास केन्द्र र कार्यालय छन्। माइक्रोसफ्ट विश्व प्रसिद्ध प्रविधि कम्पनी हो। यो एप्पल पछि संसारको दोस्रो सबैभन्दा मूल्यवान कम्पनी हो।
माइक्रोसफ्टको भारतीय युनिट माइक्रोसफ्ट कर्पोरेसनले हिन्जबडी पुणेमा ६६,४१४.५ वर्गमिटर जग्गा खरिद गरेको छ। यो सम्झौता अगस्तमा भएको थियो। कम्पनीले यो जग्गा इन्डो ग्लोबल इन्फोटेक सिटी एलएलपीबाट खरिद गरेको हो।
यस सम्झौतामा भारु ३१.१८ करोडको स्ट्याम्प शुल्क र भारु ३० हजार दर्ता शुल्क तिरेको थियो। कम्पनीले सन् २०२२ मा भारु ३२८ करोडमा पिम्परी–चिंचवडमा २५ एकड जग्गा खरिद गरेको थियो। यो वर्ष कम्पनीले हैदरावादमा ४८ एकड जमिनका लागि भारु २६७ करोड भारु तिरेका थिए।
माइक्रोसफ्टले भारतमा आफ्नो व्यवसाय विस्तार गर्दैछ। विशेष गरी डाटा सेन्टर सञ्चालन, र जग्गा किन्नु यसको योजनाको हिस्सा हो।
कम्पनीले पुणे, मुम्बई र चेन्नईमा डाटा सेन्टर निर्माण गरिसकेको छ। हाल कम्पनीको भारतमा २३ हजारभन्दा बढी कर्मचारी छन्। कम्पनीको बेंगलुरु, चेन्नई, हैदराबाद, मुम्बई र पुणेमा कार्यालय छन्। यस वर्षको सुरुमा कम्पनीले भारतमा एउटा प्रमुख पहल सीप विस्तार गर्नु रहेको छ। यसअन्तर्गत सन् २०२५ सम्ममा २० लाख मानिसलाई एआई र डिजिटल सीपमा तालिम दिने कम्पनीको योजना छ। –एजेन्सी
